اقش-تا قارۋلى كەمەنىڭ نەگىزى قالاندى

اقش-تا «زامۆولتقا» ۇقساس ءۇشىنشى  ەسمينەتستىڭ اشىلۋ ءراسىمى ءوتتى. جاڭا USS B7Johnson (DDG-1002) كەمەسى امەريكالىق فلوتتىڭ قاتارىنا 2018 جىلى ەنگىزىلەدى دەپ جوسپارلانعان. بۇل تۋرالى Naked-science  حابارلادى.

اشىلۋ ءراسىمى، نەگىزىنەن، 2017 جىلدىڭ 30 قاڭتارىندا جابىق تۇردە وتكەن.

اتالمىش كەمەنىڭ جاسالۋى ستەلس تەحنولوگياسىمەن جۇزەگە اسقاندىقتان، ەسمينەتس كەمەلەر تاريحىندا ەڭ قۋاتى كۇشتى كەمە رەتىندە كورسەتىلىپ وتىر. «زامۆولت» كەمەسىنىڭ ەرەكشەلىگى ونىڭ ۇلكەن بولعانىمەن،  اسا قاتتى بايقالا بەرمەيتىندىگىندە جانە قۋاتتىلىعىندا.

"زامۆولت". فوتو: naked-science

باستى كۇشى – 80 راكەتالىق «توماگاۆك»، ASROC  نەمەسە  ESSM. بورتتا 155-مم AGS  ارتيللەريالىق  قۇرىلعىنىڭ  اكتيۆتى-رەاكتيۆتى سحەماسى بار. ول باسقارىلاتىن سناريادتار ارقىلى 148 كيلومەتر قاشىقتىققا وتتى  دا جەتكىزە الادى. ازىرگە تەحنولوگيا «شيكى»، ياعني تولىق دايىن بولماعاندىقتان، اقش تاۋەكەل جاساي قويمادى.  سەبەبى، بۇل جەردە قارجىلاندىرۋ دا ءبىر ماسەلەگە اينالىپ وتىر.

جالپى، «زامۆولت» اتالاتىن ەسمينەتستەردىڭ ءبىر كەمشىلىگى – ونىڭ قىمباتتىلىعى. ەڭ العاشقى كەمەلەرىنىڭ ءوزى 4,4 ميلليارد اقش دوللارىنا باعالانعان. ال 2016 جىلى ءۇش ەسمينەتستەردىڭ قۇرىلىس جۇمىستارىنىڭ پروگرامماسىنا 22,5 ميلليارد اقش دوللارى قاجەت بولعان. بۇل – از قاراجات ەمەس.

دەگەنمەن، جوسپار بويىنشا، بۇل ءۇشىنشى كەمە 2018 جىلى قولدانىسقا جانە امەريكالىق فلوتتىڭ قۇرامىنا ەنگىزىلمەك.

«The Qazaq Times»