Foto: news.am

Bügin, 14 mamır küni Reseydiñ Soçi qalasında Qazaqstan, Resey, Belarus', Qırğızstan elderi basşıları men Armeniya prem'er-ministri Nikola Paşin'yannıñ qatısuımen Joğarı Euroaziyalıq ekonomikalıq keñestiñ otırısı ötude. 

Atalğan elder basşılarınıñ sammitinde ekonomikalıq integraciyanı arttıru jäne tauarlar, qızmetter, kapitaldar jäne jwmıs küşteriniñ ortaq narığın ırıqtandıruğa qatıstı mäselelerdi kelisu josparlanuda. Sonımen qatar, Joğarı Euroaziyalıq ekonomikalıq keñes elderiniñ 2018-2019 jıldarğa arnalğan makroekonomikalıq sayasattarınıñ negizgi bağıttarı qabıldanadı. Bwlardan bölek, otırıs qatısuşıları atom jäne jañğırmalı energetika, cifrlı energetika, medicina, äleumettik sayasat siyaqtı salalardağı ıntımaqtastıqtı damıtuğa qatıstı täjiribelik qadamdarğa baradı. Euroaziyalıq ekonomikalıq keñestiñ halıqaralıq jwmıstarın keñeytuge qatıstı jobalar da qolğa alınbaq.

“The Qazaq Times”