ن.نازارباەۆ سوچيدە جوعارى ەۋروازيالىق ەكونوميكالىق كەڭەس ەلدەرى باسشىلارىمەن كەزدەسۋدە

بۇگىن، 14 مامىر كۇنى رەسەيدىڭ سوچي قالاسىندا قازاقستان، رەسەي، بەلارۋس، قىرعىزستان ەلدەرى باسشىلارى مەن ارمەنيا پرەمەر-ءمينيسترى نيكولا پاشينياننىڭ قاتىسۋىمەن جوعارى ەۋروازيالىق ەكونوميكالىق كەڭەستىڭ وتىرىسى وتۋدە. 

اتالعان ەلدەر باسشىلارىنىڭ سامميتىندە ەكونوميكالىق ينتەگراتسيانى ارتتىرۋ جانە تاۋارلار، قىزمەتتەر، كاپيتالدار جانە جۇمىس كۇشتەرىنىڭ ورتاق نارىعىن ىرىقتاندىرۋعا قاتىستى ماسەلەلەردى كەلىسۋ جوسپارلانۋدا. سونىمەن قاتار، جوعارى ەۋروازيالىق ەكونوميكالىق كەڭەس ەلدەرىنىڭ 2018-2019 جىلدارعا ارنالعان ماكروەكونوميكالىق ساياساتتارىنىڭ نەگىزگى باعىتتارى قابىلدانادى. بۇلاردان بولەك، وتىرىس قاتىسۋشىلارى اتوم جانە جاڭعىرمالى ەنەرگەتيكا، تسيفرلى ەنەرگەتيكا، مەديتسينا، الەۋمەتتىك ساياسات سياقتى سالالارداعى ىنتىماقتاستىقتى دامىتۋعا قاتىستى تاجىريبەلىك قادامدارعا بارادى. ەۋروازيالىق ەكونوميكالىق كەڭەستىڭ حالىقارالىق جۇمىستارىن كەڭەيتۋگە قاتىستى جوبالار دا قولعا الىنباق.

“The Qazaq Times”