Foto: Baq.kz

Qazaqstanda bala tuğanda beriletin järdemaqı azaydı. Eñbek jäne halıqtı äleumettik qorğau ministri Mädina Äbilqasımova äleumettik salağa bölinetin şığıstardıñ 5 mlrd 720 mln teñgege qısqarğanın mälimdedi. Vedomstvonıñ mwnday şeşim qabıldauına - elimizde bıltırğı jılı bala tuu körsetkişiniñ kürt tömendep ketkeni türtki bolıptı-mıs.

Ministr aytqan derekke sensek, 2017 jılı halıq sanı aldıñğı jılmen salıstırğanda 19 mıñ adamğa kemigen. Bala tuu körsetkişi 6,2 payızğa azayıptı. Säbiler sanı siredi dep, tölemderdi sap tıyğan vedomstvo - qazına qarajatın osılay ünemdeudi qwp körse kerek. Olar, tipti, 2020 jılğa deyin Qazaqstanda bala sanı aytarlıqtay köbeymeydi degen boljam da jasap qoyğan.

Osı twsta, irgeles elderdiñ demografiyalıq ahualdı jaqsartu üşin ana men balağa beriletin tölemderdi jappay köbeytip jatqanın aytqan jön. Mäselen, Reseyde «Ana kapitalı» degen bağdarlama arqılı bosanğan äyelder memleketten 453 026 rubl' aladı eken. Ol şamamen 8000 dollarğa juıqtaydı. Osılayşa, körşi elder halıq sanın arttıruğa talpınıp jatqanda, bizdiñ bilik bala sanın köbeytpeudiñ amalın oylap jatqanday.

“The Qazaq Times”