Qwrama Ştat prezidenti Donal'd Tramp. Foto: REUTERS.

AQŞ prezidenti Donal'd Tramp «beybitşilik kelissözderden bas tartqan Palestinağa» järdemaqını toqtatamız dep qorqıttı. Onıñ aytuınşa, Qwrama Ştat Palestinağa bergen järdemaqısı üşin layıqtı sıy-qwrmet köre almaptı. Bwl turalı BBC-dıñ resmi saytı jazdı.

Aq üy basşısınıñ Ierusalimdi Izrail' astanası dep moyındağan şeşiminen keyin, bwl qadamğa küşti narazılıq tanıtqan Palestina jaq beybitşilik kelissözderinen bas tarttı jäne AQŞ-tı kelissözderge, ara ağayındıqqa qospaytının mälimdedi. Tramp Palestinanıñ bwl qadamdarına qarsı AQŞ-tıñ jıl sayın berip twratın järdemaqısın toqtatatının aytıp qorqıttı.

Tramp öziniñ Tvitter paraqşasında Päkistanğa beriletin järdem turalı da söz etip, «AQŞ milliardtağan dollar järdem berip otırsa da, Päkistan  «jalğanşılıqpen qulıq istedi. Qwrama Ştat milliardtağan qarjını Päkistan üşin ğana bosatpaydı. Palestinalıqtarğa da jıl sayın jüz milliondağan dollar kömek beremiz. Biraq AQŞ sol bergen kömegi üşin layıqtı sıy-qwrmet alıp otırğan joq», – dedi.

Ierusalim dağdarısı turalı öz şeşimin ayta ketken Aq üy basşısı: «Biz köpten beri şeşilui qiın bolıp kelgen Ierusalim mäselesin birjaqtılı ettik. Bwl üşin Izrail' köp qiındıqtarğa tap kelui mümkin. Alayda, palestinalıqtar bwl üşin beybitşilik kelissözderden bas tartatın bolsa, onda Qwrama Ştattan beriletin kömek te toqtatıladı», – dep qosqan sözinde.

“The Qazaq Times”