"Sami A" Foto: BBC.

Usama bin Ladenniñ oqqağarı dep tanılğan tunistik azamat 1997 jılı Germaniyağa qonıs audarğan. Germaniyadağı wltşılardıñ qoldauına ie bolğan «Germaniya üşin al'terantiva» partiyası «Sami A» dep atalatın bwl adam turalı mäseleni kötere bastağanda, jergilikti bilik eriksiz ol turalı mälimetterdi, oğan qosa ükimetten qanşa järdemaqı alatına turalı mälimetti tarattı. Mälimetke säykes ol Germaniya ükimetinen 1,168 euro järdemaqı aladı.  Bwl turalı BBC-diñ onlayn qızmeti habarladı. 

Germaniya mediası «Sami A» degen atpen belgili bwl adamnıñ tolıq atı-jönin qauipsizdik şarttarına säykes aşıq jariya etpedi. «Sami A» osığan deyin öziniñ jihatşılarğa qatısınıñ joq ekenin aytıp keledi. Germaniya jaq onıñ qauipsizdigine baylanıstı deportaciyalauğa jol bermeydi. Sebebi, Germaniya ükimeti jihatşılarmen qatısı bar keybir adamdardı deportaciyalağannan keyin öz elinde auır qinauğa wşırağanın mälimdegen.

Usama bin Laden «äl-Kaida» wyımınıñ jetekşisi jäne 2001 jılğı «11 qırküyek oqiğasın» wyımdastıruşı dep tanılğan. Onıñ AQŞ-tıñ arnayı jasağı Päkistan jerinde 2011 jılı atıp öltirgen. AQŞ-tağı terrorlıq şabuılğa qatısuşı wşqıştar Germaniyanıñ Gamburg qalasında «äl-Kaida» wyımına qarastı ortalıqta tärbielengen degen derekter bar.

2005 jılı terrorlıq toptıñ jaqtauşıları qatarındağı şektelgen adamdar tiziminde «Sami A», 2000 jıldarı Usama bin Ladenniñ oqqağarı dep tanılğan. «Sami A» Germaniya jerinde tört balası jäne äyelimen birge jasap keledi. Degenmen, qauipsizdikke qater töndirgeni üşin Germaniya policiya tarauları onıñ erkin jürip-twruına şekteu qoyğan. Ol är küni policiya qızmetkerlerine jolığıp, is-äreketteri turalı mälimet berip twruğa mindettelgen.

“The Qazaq Times”