Qatarınan eki ret terrorlıq şabuıl jasaldı. Foto: Aşıq derekköz.

Kabuldağı jarılısta qwrban bolğandar sanı 100-den astı. 140-tan astam adam jaraqat alğan. Radikal islamşıl top jarılıstı jasağandarın moyındadı.

Bir kün bwrın ğana Kabuldağı halıqaralıq äuejayda terrorlıq şabuıl boluı ıqtimal degen mälimetti AQŞ pen onıñ odaqtas elderi taratıp, öz azamattarın äuejaydan alıs boluğa şaqırğan edi.

Bwl aqparattıñ qızuı basılmay twrıp qatarınan eki ret jarılıs boldı. Alğaşqısı äuejayğa kireberistegi bosqındar jii toptalğan jerde bolğan. Jergilikti aqparat közderiniñ BBC-ge bergen mälimetine qarağanda adamdar köp jinalğan qaqpadağı jarılıstı üstine jarılğış baylağan jankeşti jasağan. Jarılıstan keyin onıñ qarulı serigi adamdarğa oq jaudırğan.

Al, ekinşisi amerikalıq äskerler azamattardı äuejayğa jetkizip jatqan «Baron» oteliniñ janında bolğan. Pentagon Kabuldağı AQŞ qarulı küşteriniñ qatarında 13 adamnıñ qaza tapqanın mälimdedi.

Jarılıstı «Islam memleketi» terrorlıq tobı öz moynına aldı.

AQŞ pen NATO odaqtastarı terrorlıq şabuıldıñ qaterine qaramastan evakuaciyanı jalğastıratının habarladı.

The Qazaq Times