Foto: Almatı oblısı äkiminiñ baspasöz qızmeti

Keşe Taldıqorğan qalasında jas ädebietşilerdiñ «Jetisu köktemi» forumı oblıstıq tilderdi damıtu basqarmasınıñ wyımdastıruımen, Qazaqstan Jazuşılar odağımen birlese otırıp ötkizildi, -dep habarlaydı Almatı oblısı äkiminiñ baspasöz qızmeti.

Forum barısında «Ruhani jañğıru» bağdarlamasınıñ şeñberinde ötkizilgen «Mäñgilik eldiñ mwratı» attı oblıstıq bayqaudıñ jeñimpazdarı marapattalıp, jeñimpazdarğa «Aq qauırsın» ädebi jüldesi tapsırıldı. «Ruh» bayqauınıñ qorıtındısı boyınşa jarıqqa şıqqan kitaptardıñ twsauı kesildi. Osı basqosuda Jazuşılar odağına müşelikke bir top qalamger saltanattı jağdayda qabıldandı.

Forum «Ruh» bäygesiniñ qorıtındısı boyınşa jarıq körgen kitaptardıñ twsaukeserimen jalğastı.

Poeziya janrı boyınşa İ orın «Şabıt» halıqaralıq şığarmaşıl jastar festivaliniñ jüldegeri, memlekettik grant iegeri Sağınış Namazşamova ielense, prozada İ orın jas jazuşı, «Daraboz» bäygesiniñ jüldegeri Qanat Äbilqayırğa berildi. Qos jeñimpazğa oblıs äkiminiñ «Aq qauırsın» ädebi jüldesi, aqşalay sıylıqtar men diplomdar tabıstaldı.

Poeziya boyınşa İİ orındı Erlan Jünis pen Arşın Nwrbaqıt, İİİ orındı Qozıbay Qwrman men Mwhtar Kümisbek ielendi.

Proza janrında İİ orındı Esbolat Aydabosın jäne Güljan Amangeldiqızı, İİİ orındı Ashat Ömirbay men Danagül Bereket aldı. Jüldegerlerdiñ barlığına aqşalay sıylıqtar men diplomdar berildi.

Osı jiın barısında Qazaqstan Jazuşılar odağınıñ törağası Wlıqbek Esdäulet odaq müşeliginiñ qatarına qabıldanğan jastarğa saltanattı jağdayda kuälik tapsırdı. Müşelikke qabıldanğan arasında Almatı, Atırau oblıstarınıñ, Astana jäne Almatı qalalarınıñ jastarı bar.

“The Qazaq Times”