Foto: Maqsat Baybol

Qazaqstanda soñğı 5 jıldan beri halıqtan 47 mıñ atıs qaruı, 250 jarılğış qwrılğı jäne 1.7 mln. oq-däri satıp alınğan. Bwl turalı bügin Astanada ötken baspasöz otırısında mälimdedi. Onıñ aytuınşa, zañsız qaruların öz erikterimen äkelip tapsırğandarı üşin 38 mıñ azamatqa 1 mlrd 418 mln teñge ($4,43 mln) tölengen.

İİM ökili osınday nauqannıñ arqasında atıs qaruları arqılı jasalatın  qılmıstardıñ 44,8%-ğa azayğanın  atap ötti. Elimizde 10 säuirden beri tağı osınday nauqan bastaldı. Qaruların öz erikterimen äkep tapsırğandarğa 10-nan 100 aylıq eseptik körsetkişke deyin tölem tölenbek. Ayta ketetini, tölemaqı kölemi qarudıñ türi men tehnikalıq küyine baylanıstı.

«Zañsız qarudı öz erkimen äkep tapsırğan twlğa äkimşilik jäne qılmıstıq jauapkerşilikke tartılmaydı. Atıs qaruları, oq däriler jäne jarılğış zattar İşki ister ministrligine qaraytın ärbir aymaqtıq organda qabıldanadı», - dedi M.Baybolov.

“The Qazaq Times”