فوتو: ماقسات بايبول

قازاقستاندا سوڭعى 5 جىلدان بەرى حالىقتان 47 مىڭ اتىس قارۋى، 250 جارىلعىش قۇرىلعى جانە 1.7 ملن. وق-ءدارى ساتىپ الىنعان. بۇل تۋرالى بۇگىن استانادا وتكەن ءباسپاسوز وتىرىسىندا مالىمدەدى. ونىڭ ايتۋىنشا، زاڭسىز قارۋلارىن وز ەرىكتەرىمەن اكەلىپ تاپسىرعاندارى ۇشىن 38 مىڭ ازاماتقا 1 ملرد 418 ملن تەڭگە ($4,43 ملن) تولەنگەن.

ءىىم وكىلى وسىنداي ناۋقاننىڭ ارقاسىندا اتىس قارۋلارى ارقىلى جاسالاتىن  قىلمىستاردىڭ 44,8%-عا ازايعانىن  اتاپ ءوتتى. ەلىمىزدە 10 ساۋىردەن بەرى تاعى وسىنداي ناۋقان باستالدى. قارۋلارىن ءوز ەرىكتەرىمەن اكەپ تاپسىرعاندارعا 10-نان 100 ايلىق ەسەپتىك كورسەتكىشكە دەيىن تولەم تولەنبەك. ايتا كەتەتىنى، تولەماقى كولەمى قارۋدىڭ ءتۇرى مەن تەحنيكالىق كۇيىنە بايلانىستى.

«زاڭسىز قارۋدى ءوز ەركىمەن اكەپ تاپسىرعان تۇلعا اكىمشىلىك جانە قىلمىستىق جاۋاپكەرشىلىككە تارتىلمايدى. اتىس قارۋلارى، وق دارىلەر جانە جارىلعىش زاتتار ىشكى ىستەر مينيسترلىگىنە قارايتىن ءاربىر ايماقتىق ورگاندا قابىلدانادى»، - دەدى م.بايبولوۆ.

“The Qazaq Times”