Foto: ca-news.org

Birneşe jıldan beri Özbekstannıñ bwrınğı prezidentiniñ ülken qızı Gülnär Karimovanıñ tağdırı turalı eşqanday senimdi aqparattıñ joq ekeni belgili. "The New York Times" basılımında 5 säuir küni jarıq körgen "Özbekstannıñ habarsız ketken "birinşi qızı" — Gülnär qayda jür?" attı maqalada onıñ äli künge deyin äkesiniñ mazarına da barmağanı jazılğan. Onıñ üstine, äkesiniñ jerleu räsiminde de, ol qaytıs bolğannan beri büginge deyin wyımdastırılğan 35 mıñ eske alu räsimderiniñ bireuinde de töbe körsetpegen.

Atalğan maqalada onıñ 2014 jıldan beri jwrt közine müldem körinbegeni aytılıp: "Köpşilik Gülnär Karimovanı qaytıs boldı dep esepteydi äri bwl aqparattı joqqa şığaratın eşqanday dälel de joq" dep jazılğan.  H'yuman Rayts Votç (Human Rights Watch) halıqaralıq adam qwqıqtarın qorğau wyımınıñ Orta Aziya isteri jönindegi sarapşıları "The New York Times" basılımına mälimdeme jasap, olarğa Karimovanıñ tipti bwrınğı küyeui Manswr Maksudidiñ de kömek swrağanın aytqan. Özbek-auğan tekti amerikalıq pen 2002 jılı Karimovanıñ arasında ajırasu isi men balalarına qatıstı ülken dau bolğan edi. Aqırı sol kezde qwrığı wzın Gülnär onı Özbekstandağı "coca-cola"-men baylanıstı biznesinen ayırğan edi. Keyin onıñ Özbekstanda twratın 24 tuısınıñ bäri qay eldiñ azamattarı bolğandarına qaramastan Auğanstanğa jer audarılıp, eki tuısı türmege toğıtılğan. Biraq qazirgi uaqıtta Manswr öziniñ bwrınğı äyeliniñ tağdırına qatıstı män-jaydı anıqtağısı keletin körinedi. Sonımen qatar äkesiniñ qwrmetine Islam esimi berilgen onıñ wlı da anasınıñ sırtqı älemnen oqşau wstauda ekenin aytıp şağımdanğan. Islamnıñ özi Wlıbritaniyadan sayasi baspana swrağan.

“The Qazaq Times”