Human Rights Watch Halıqaralıq adam qwqıqtarın qorğau wyımı 14 mausımda Mäskeu qalasında ötetin 2018 jılğı futboldan älem çempionatınıñ aşılu saltanatına baykot jariyalauğa şaqırdı. Bwl turalı seysenbi, 22 mamır küni atalğan wyımnıñ atqaruşı direktorı Kennet Rot arnayı mälemdeme jasadı, dep habarlaydı dw.com agenttigi.

«Älem elderiniñ liderleri prezident Putinge reseylik jäne süriyalıq äskerlerdiñ Süriyadağı ayuani äreketterin toqtatuğa qatıstı sayasatın özgertpeyinşe, futboldan älem çempionatınıñ aşılu saltanatına qatıspaytındıqtarı turalı belgi beruleri kerek», - dep mälimdedi Rot.

Human Rights Watch wyımınıñ direktorınıñ: "Resey futboldan älem çempionatın ötkizu arqılı qwrmetke qol jetkizip, düniejüzi halıqtarınıñ jağımdı közqarasına ie bolmaq. Alayda, atalğan matçtı köruge asıqqan milliondağan adamnıñ tilegine qaramastan, Süriyadağı beybit twrğındardıñ körip jatqan azaptarı da wmıtılmau kerek", degen sözderin mısalğa keltirdi dw.com agenttigi K.Rottıñ mälimdemesine silteme jasap.

Bwdan bwrın da, Europarlamenttegi nemis deputatı, Şığıs Europa mäseleleri jönindegi maman Rebekka Harms europalıq elderdi Reseyde ötetin futboldan älem çempionatına barmauğa ündegen edi. Onıñ bwl bastamasın EO-qa müşe 16 eldiñ 60 deputatı men Europalıq wlttıq partiyanıñ iri frakciyaları qoldağan edi.

“The Qazaq Times”