Foto: nytimes.com

AQŞ-tıñ tanımal basılımı "New York Times" osınday taqırıppen Türkiya prezidenti Rejep Tayıp Erdoğannıñ türli jiındarda aytqan sözderin talqılağan kölemdi maqala jariyaladı.

Atalğan basılımnıñ tilşisi Karlotta Gall jazğan maqalada: "Türkiya prezidenti Erdoğan apta sayın künine üş ret, al apta soñında eki ret halıqqa ündeu joldaydı.  Öte äserli äri halıqtı jamandıqpen küresuge şaqırğan sözderi onıñ jetistikke jetu jolındağı eñ bastı qwralı. Ol demokratiya jaqtastarına "qorqaq" deydi, al Germaniya Sırtqı ister ministrin "bäleqor" dep mazaq etedi. Bäsekelesteriniñ esimderin halıq aldında jeke-jeke atap, basqaşa körsetedi", - delingen. Maqalada 15 jıldan beri bilik basında jürgen Erdoğannıñ "bäsekelesteriniñ boyınan tabıla bermeytin" öte wtımdı şeşendik sözderimen osı jılı ötetin saylauda tağı da jeñiske jetudi közdeytini, aqparat betterinde öte jii körinuiniñ de öziniñ ärdayım jwrttıñ nazarında boluı üşin jasalatını keñinen talqılanğan. Sonımen qatar, Erdoğannıñ kezinde alğan dini biliminiñ arqasında uağız aytıp, Mwhammed Payğambarımızdıñ (s.a.s.) ömirinen mısaldar keltirip söyleu arqılı işki sayasatta da köp jetistikke jetip jürgeni sınalğan.

“The Qazaq Times”