Reseydiñ AQŞ-tağı konsuldığı jabılmaq. Foto: WSJ.

AQŞ ükimetiniñ düysenbi küni jariyalağan şeşiminde, tıñşılıq jasadı degen ayıppen 60 reseylik diplomattı bir apta işinde Qwrama Ştat territoriyasınan şığıp ketuge bwyırdı. Aq üy mälimeti bwl şeşimdi rastay otırıp, Franciya, Germaniya, Pol'şanı qamtığan kem degende 22 el 137 reseylikti elinen qudı. Bwl turalı The Wall Street Journal basılımı habarladı.

Habarğa qarağanda, Aq üy atap ötken elderdiñ tizimge Australiya (Avstraliya)  kirmegen. Al Australiya tarabınıñ bügin jariyalağan mälimdemesinde, salauatı körsetilmegen eki reseylik barlau qızmetkerin elden şığarğanın aytqan.

AQŞ Memlekettik departamentiniñ lauazımdı twlğası bwl turalı tüsinik bergende: «AQŞ ükimetiniñ eldegi Resey elşiliginiñ birin jabu turalı şeşimi – Mäskeudiñ halıqaralıq qwqıqtı bwzuına bergen jauabı. Oğan qosa Wlıbritaniyadağı reseylik bwrınğı barlau qızmetkeri men onıñ qızına jasalğan şabuıldıñ da jauap deuge boladı», – degen. AQŞ joğarı lauazımdılarınıñ biri Reseydiñ maqsattı türde twraqsızdıq tudıru jäne arandatu isimen aynalısıp kele jatqanın sınğa alğan.

BBC-diñ bwl turalı habarında AQŞ pen Europa elderinen quılğan reseylik barlau qızmetkerleri men diplomattardıñ sanın anıqtap körsetken. Aytalıq: AQŞ-tan 60, Franciya 4, Germaniya 4, Pol'şa 4, Çehiya 3, Litva 3, Daniya 2, Niderlandı 2, Italiya 2, Ispaniya 2 , Estoniyadan, Horvatiya, Finlyandiya, Vengriya, Latviya, Rumıniya, Şveciya elderi jeke-jeke bir-bir reseylik azamattı elinen şığardı. Al, Europa elderi arasınan Ukraina 13 reseylikti quıp köş bastadı. Albaniya 2, Kanada 4, Norvegiya 1 reseylikti şekarasınan şığardı.

Degenmen, Batıs elderiniñ Reseyge jasağan bwl qadamdarı Mäskeu biligin rayınan qaytara almay otır. Kreml' tarabı bwrınğı reseylik barlau agenttiniñ ölimine eş qatısımız joq deuden arı aspadı. Öz kezeginde Resey de şeteldik diplomattardı şığaratının mälimdegen.

 “The Qazaq Times”