Jazuşılar odağınıñ törağası Wlıqbek Esdäulet jäne jas aqındar. Foto: Jazuşılar odağınıñ feysbuk paraqşası

Keşe Qazaqstan Jazuşılar odağında köktemde tuıp, jasınday jarqırap, qazaq ədebietine erekşe lep, tıñ jañalıq alıp kelgen qazaqtıñ klassik aqındarınıñ biri Tölegen Aybergenovtiñ şığarmaşılığına arnalğan ädebi-sazdı keş ötti. Bwl turalı Jazuşılar odağınıñ baspasöz qızmeti habarladı. 

Keş Jazuşılar odağınıñ basqarma törağası, aqın Wlıqbek Esdäulettiñ qwttıqtau sözimen bastaldı.

Basqarma törağasınıñ orınbasarları Mereke Qwlkenov pen Baqıt Bedelhan Temirbek Jürgenov atındağı öner akademiyasınıñ wstazı Dariğa Twranqwlova, aqın Qasımhan Begmanov, Ahmet Ömirzaq, Şarafaddin Ämir, qazaq tiliniñ janaşırı Oğız Doğan, Şayhı Ermahan, t.b. "Baytaq meken" qoğamdıq qorınıñ mereytoğa arnayı şığarğan "Tölegen Aybergenovke 80 jıl" estelik medalin tabıstadı.

Sonday-aq, osı medal'dardı Jazuşılar odağınıñ basqarma törağası, aqın Wlıqbek Esdäulet aqın jolın quğan bir top jas aqındarğa (Asılan Tilegen, Nwrtas Twrğanbek, Nwrbolat Joldasbek, Twrsınbek Başar, Bekzat Smadiyar, Merey Qartov, Miras Asan, Əsel Kəribay, Tilek Irısbek, Edilbek Düysen) tabıstap, öleñ saparına sättilik tiledi. Artınşa jastar jırdan şaşu şaşıp, körermender köñilin bir serpiltip tastadı.

T. Jürgenov atındağı öner akademiyasınıñ studentteri T. Aybergenov öleñderinen kompoziciyalıq qoyılım qoyıp, keş körkin qızdıra tüsti.

Qazaqstannıñ eñbek siñirgen qayratkeri, Darın Memlekettik jastar sıylığınıñ laureatı, dästürli änşi Säule Janpeyisova aqın öleñderiniñ sözine jazılğan öziniñ avtorlıq änderin orındadı.

Ayta keteyik, osığan deyin aqınnıñ 80 jıldıq mereytoyı ayasında Temirtau qalasında, Özbekstannıñ Nökis qalasında (eki joğarı oqu orındarında), Aqtöbe oblısınıñ Bayğanin audanında, Aqtau, Astana, Şımkent qalalarında birneşe mereytoylıq keşter wyımdastırılğan bolatın.

“The Qazaq Times”