Tramp jäne Şi Jinpiñ. Foto: voachinese.com.

CNN arnasınıñ habarına qarağanda, AQŞ prezidenti Donal'd Tramp Florida ştatında ötken bir retki ükimet otırısında Qıtay kompartiyasınıñ el Konstituciyasına özgeris engizu wsınısı turalı pikirin bildirgen. Tramp sözinde Qıtay basşısınıñ merzimsiz bilikke wmtılıp jatqanın ayta kelip: «Ol qazirdiñ özinde şeksiz merzimdegi memleket törağası bolıp otır», – degen. Bwl turalı atalğan amerikalıq telearnağa silteme jasay otırıp, VOA aqparattıq saytı habarladı.

Tramp sözinde: «Ol mwnı istey aladı, meniñşe bwl ğajap is. Mümkin uaqıtında biz de onı sınap körermiz», – degen. Alayda, onıñ sözi külki men mısqıl aralas aytılğan. CNN men VOA habarında: «Onıñ bwl sözi äzil me, älde şın nieti me? – bwl jağı bizge tüsiniksiz», – delingen.

26 aqpandağı baspasöz konferenciyası kezinde, Aq üydiñ resmi mälimdemeşisi Sara Sandrsten Şi Jinpiñniñ ökiletti merzimin wzartu isi turalı swrağanda: «Meniñ oyımşa bwl Qıtaydıñ özi üşin eñ jaqsı talğam», – degen pikirin aytqan.

“The Qazaq Times”