ترامپ قىتاي باسشىسىنىڭ بيلىكتە ماڭگىلىك قالۋىن قولداي ما؟

CNN ارناسىنىڭ حابارىنا قاراعاندا، اقش پرەزيدەنتى دونالد ترامپ فلوريدا شتاتىندا وتكەن ءبىر رەتكى ۇكىمەت وتىرىسىندا قىتاي كومپارتياسىنىڭ ەل كونستيتۋتسياسىنا وزگەرىس ەنگىزۋ ۇسىنىسى تۋرالى پىكىرىن بىلدىرگەن. ترامپ سوزىندە قىتاي باسشىسىنىڭ مەرزىمسىز بيلىككە ۇمتىلىپ جاتقانىن ايتا كەلىپ: «ول قازىردىڭ وزىندە شەكسىز مەرزىمدەگى مەملەكەت توراعاسى بولىپ وتىر»، – دەگەن. بۇل تۋرالى اتالعان امەريكالىق تەلەارناعا سىلتەمە جاساي وتىرىپ، VOA اقپاراتتىق سايتى حابارلادى.

ترامپ سوزىندە: «ول مۇنى ىستەي الادى، مەنىڭشە بۇل عاجاپ ءىس. مۇمكىن ۋاقىتىندا ءبىز دە ونى سىناپ كورەرمىز»، – دەگەن. الايدا، ونىڭ ءسوزى كۇلكى مەن مىسقىل ارالاس ايتىلعان. CNN مەن VOA حابارىندا: «ونىڭ بۇل ءسوزى ءازىل مە، الدە شىن نيەتى مە؟ – بۇل جاعى بىزگە تۇسىنىكسىز»، – دەلىنگەن.

26 اقپانداعى ءباسپاسوز كونفەرەنتسياسى كەزىندە، اق ءۇيدىڭ رەسمي مالىمدەمەشىسى سارا ساندرستەن شي ءجينپيڭنىڭ وكىلەتتى مەرزىمىن ۇزارتۋ ءىسى تۋرالى سۇراعاندا: «مەنىڭ ويىمشا بۇل قىتايدىڭ ءوزى ءۇشىن ەڭ جاقسى تالعام»، – دەگەن پىكىرىن ايتقان.

“The Qazaq Times”