Saud Arabiyasınıñ patşası Salman jäne Päkistan prem'eri Şahit Kahan Abbasi. Foto: WSJ.

Qatıstı lauazımdı twlğalardıñ aqparat qwraldarına bergen mälimetine qarağanda, osı aptada AQŞ Päkistandı halıqaralıq lañkestikti qarjılandırudı baqılauşı elder tizimine qosu turalı bastama kötermek. Saud Arabiyası Türkiya men Qıtaydı bwl bastamağa qarsı twruğa şaqırdı. Bwl Tramp äkimşiligi men Saud biligi arasındağı sirek kezdesetin kelispeuşiliktiñ biri boldı. Atalğan mäselege qatıstı aqparattardı The Wall Street Journal basılımı tarqattı.

Särsenbi küni Parijdegi Qarjı is-qimıl jönindegi maqsattıq toptıñ (Financial Action Task Force) otırısında Qwrama Ştattar terrorizmdi qarjılandıru monitoringiniñ tizimin özgertu turalı şeşim qabıldauğa tırıstı. Qarjılıq is-qimıl jönindegi maqsattıq top – barlıq elderde terrorizmdi qarjılandıru jäne aqşanı jılıstatumen küresudi baqılaytın qwpiya halıqaralıq organ.

AQŞ kezdesu otırısında Päkistannıñ bwl tizimge kiru bastamasın eñ keş bolğanda osı aptanıñ soñına deyin ayaqtaudı wsındı. Päkistan qazir müşe elderden qoldau izdestirude.

Tramp ükimeti Päkistannıñ terrorizmge qarsı kürestegi beytarap älsizdigine narazı bolıp keledi. Sondıqtan da ötken ayda AQŞ Päkistanğa 2 mlrd AQŞ dollar berip, terrorizmge qarsı küresu qabletin arttıruğa järdemdesetinin jariyalağan.

Bwdan sırt, AQŞ resmi twlğaları Päkistandı keybir jihadtıq toptarğa qoldau beredi dep ayıptaydı. Olar atalğan toptardı qaru-jaraqpen jäne qarjılay qoldap, Ündistan men Auğanstan jerine jiberetinin aytadı.

Päkistan tarabı bwl aytılğandardı teriske şığarıp keledi. Olar el aumağında terroristerdiñ twrağı joq degen uäj aytadı. 2015 jılı Päkistan Yemendegi soğısqa aralasqannan bastap, birtindep Parsı şığanağı aumağındağı äskeri qimıldarın keñeyte bastağan.

“The Qazaq Times”