ترامپ ۇكىمەتى مەن ساۋد ارابياسى پاكىستان تۋرالى ورتاق پىكىرگە كەلە المادى

قاتىستى لاۋازىمدى تۇلعالاردىڭ اقپارات قۇرالدارىنا بەرگەن مالىمەتىنە قاراعاندا، وسى اپتادا اقش پاكىستاندى حالىقارالىق لاڭكەستىكتى قارجىلاندىرۋدى باقىلاۋشى ەلدەر تىزىمىنە قوسۋ تۋرالى باستاما كوتەرمەك. ساۋد ارابياسى تۇركيا مەن قىتايدى بۇل باستاماعا قارسى تۇرۋعا شاقىردى. بۇل ترامپ اكىمشىلىگى مەن ساۋد بيلىگى اراسىنداعى سيرەك كەزدەسەتىن كەلىسپەۋشىلىكتىڭ ءبىرى بولدى. اتالعان ماسەلەگە قاتىستى اقپاراتتاردى The Wall Street Journal باسىلىمى تارقاتتى.

سارسەنبى كۇنى پاريجدەگى قارجى ءىس-قيمىل جونىندەگى ماقساتتىق توپتىڭ (Financial Action Task Force) وتىرىسىندا قۇراما شتاتتار تەرروريزمدى قارجىلاندىرۋ مونيتورينگىنىڭ ءتىزىمىن وزگەرتۋ تۋرالى شەشىم قابىلداۋعا تىرىستى. قارجىلىق ءىس-قيمىل جونىندەگى ماقساتتىق توپ – بارلىق ەلدەردە تەرروريزمدى قارجىلاندىرۋ جانە اقشانى جىلىستاتۋمەن كۇرەسۋدى باقىلايتىن قۇپيا حالىقارالىق ورگان.

اقش كەزدەسۋ وتىرىسىندا پاكىستاننىڭ بۇل تىزىمگە كىرۋ باستاماسىن ەڭ كەش بولعاندا وسى اپتانىڭ سوڭىنا دەيىن اياقتاۋدى ۇسىندى. پاكىستان قازىر مۇشە ەلدەردەن قولداۋ ىزدەستىرۋدە.

ترامپ ۇكىمەتى پاكىستاننىڭ تەرروريزمگە قارسى كۇرەستەگى بەيتاراپ السىزدىگىنە نارازى بولىپ كەلەدى. سوندىقتان دا وتكەن ايدا اقش پاكىستانعا 2 ملرد اقش دوللار بەرىپ، تەرروريزمگە قارسى كۇرەسۋ قابلەتىن ارتتىرۋعا جاردەمدەسەتىنىن جاريالاعان.

بۇدان سىرت، اقش رەسمي تۇلعالارى پاكىستاندى كەيبىر جيحادتىق توپتارعا قولداۋ بەرەدى دەپ ايىپتايدى. ولار اتالعان توپتاردى قارۋ-جاراقپەن جانە قارجىلاي قولداپ، ءۇندىستان مەن اۋعانستان جەرىنە جىبەرەتىنىن ايتادى.

پاكىستان تارابى بۇل ايتىلعانداردى تەرىسكە شىعارىپ كەلەدى. ولار ەل اۋماعىندا تەرروريستەردىڭ تۇراعى جوق دەگەن ءۋاج ايتادى. 2015 جىلى پاكىستان يەمەندەگى سوعىسقا ارالاسقاننان باستاپ، بىرتىندەپ پارسى شىعاناعى اۋماعىنداعى اسكەري قيمىلدارىن كەڭەيتە باستاعان.

“The Qazaq Times”