Batıs elderi kiberşabuıl jasauşı Resey dep twraqtandırdı. Foto: WSJ.

Britandıq ükimet qızmetkerleri bıltır mausım ayındağı ğalamtorda keñ kölemde tarağan «Petya» virusı kiberşabuılınıñ artında Reseydiñ twrğanın mälimdedi. Bwl kiberşabuıl FedEx kompaniyasına, Konteynerlik jük tasımaldau alıbı A.P. Myuller - Maersk Group-ke, farmacevtikalıq öndiruşi Merck & Co. Inc. (MRK) kompaniyası jäne köptegen transwlttıq kompaniyalarğa äser etip, köp şığınğa wşıratqan bolatın. Bwl turalı «WSJ» basılımı habarladı.

Bıltır kiberşabuıl kezinde Ukraina ökilderi bwl kiberqılmıstıñ bastı jauapkerşiligi Reseyde dep körsetken edi. Al, särsenbi küngi Wlıbritaniya jaqtıñ jasağan mälimdemesinde Resey alğaş ret kiberşabuıl isimen  resmi türde ayıptaldı.

Wlıbritaniyanıñ Sırtqı ister ministrligi jasağan mälimette, britandıq barlauşılar Reseydiñ äskeri qızmetindegi hakerlerdiñ «Petya» virusın taratqan dep twraqtandırğanın mälimdedi. Bwğan qosa, Reseydiñ kiberqılmıstıq äreketteriniñ Wlıbritaniyağa jäne oğan odaqtas elderge  ziyan keltirmeui üşin bwl äreketti aşıq jariyalau şeşimine kelgenin atap körsetti.

Birikken korol'dik ükimetiniñ mälimetinde, Reseydiñ kiberqılmıstıq äreketin twraqtandıratın naqtı dälelderdi aşıp körsetpedi. «WSJ» basılımınıñ tilşileri Uaşingtondağı Resey elşiliginen bwl mäselege tüsinik beruin swrağan. Alayda, atalğan elşilik jauap qaytarmağan.

“The Qazaq Times”