بريتاندىق ۇكىمەت قىزمەتكەرلەرى بىلتىر ماۋسىم ايىنداعى عالامتوردا كەڭ كولەمدە تاراعان «پەتيا» ۆيرۋسى كيبەرشابۋىلىنىڭ ارتىندا رەسەيدىڭ تۇرعانىن مالىمدەدى. بۇل كيبەرشابۋىل FedEx كومپانياسىنا، كونتەينەرلىك جۇك تاسىمالداۋ الىبى ا.پ. ميۋللەر - Maersk Group-كە، فارماتسەۆتيكالىق ءوندىرۋشى Merck & Co. Inc. (MRK) كومپانياسى جانە كوپتەگەن ترانسۇلتتىق كومپانيالارعا اسەر ەتىپ، كوپ شىعىنعا ۇشىراتقان بولاتىن. بۇل تۋرالى «WSJ» باسىلىمى حابارلادى.

بىلتىر كيبەرشابۋىل كەزىندە ۋكراينا وكىلدەرى بۇل كيبەرقىلمىستىڭ باستى جاۋاپكەرشىلىگى رەسەيدە دەپ كورسەتكەن ەدى. ال، سارسەنبى كۇنگى ۇلىبريتانيا جاقتىڭ جاساعان مالىمدەمەسىندە رەسەي العاش رەت كيبەرشابۋىل ىسىمەن  رەسمي تۇردە ايىپتالدى.

ۇلىبريتانيانىڭ سىرتقى ىستەر مينيسترلىگى جاساعان مالىمەتتە، بريتاندىق بارلاۋشىلار رەسەيدىڭ اسكەري قىزمەتىندەگى حاكەرلەردىڭ «پەتيا» ۆيرۋسىن تاراتقان دەپ تۇراقتاندىرعانىن مالىمدەدى. بۇعان قوسا، رەسەيدىڭ كيبەرقىلمىستىق ارەكەتتەرىنىڭ ۇلىبريتانياعا جانە وعان وداقتاس ەلدەرگە  زيان كەلتىرمەۋى ءۇشىن بۇل ارەكەتتى اشىق جاريالاۋ شەشىمىنە كەلگەنىن اتاپ كورسەتتى.

بىرىككەن كورولدىك ۇكىمەتىنىڭ مالىمەتىندە، رەسەيدىڭ كيبەرقىلمىستىق ارەكەتىن تۇراقتاندىراتىن ناقتى دالەلدەردى اشىپ كورسەتپەدى. «WSJ» باسىلىمىنىڭ تىلشىلەرى ۋاشينگتونداعى رەسەي ەلشىلىگىنەن بۇل ماسەلەگە تۇسىنىك بەرۋىن سۇراعان. الايدا، اتالعان ەلشىلىك جاۋاپ قايتارماعان.

“The Qazaq Times”