AQŞ iri kiberşabuılğa Reseydiñ qatısı bar dep sanaydı

Amerikalıq barlau qauımdastığı SolarWinds bağdarlamalıq jasaqtamasına jasalğan kiberşabuıldıñ artında reseylik hakerler twr degen mälimdeme jasadı.

AQŞ prezidentiniñ wlttıq qauipsizdik jönindegi kömekşisiniñ orınbasarı Ann Nubergertiñ aytuınşa, kiberşabuıl toğız federaldı departamentke jäne jüzge juıq jeke kompaniyalarğa keri äser ketken. 18 mıñğa juıq sub'ektke şabuıl jasalğan.

SolarWinds kompaniyasınıñ Orion bağdarlamalıq jasaqtaması 2020 jılı naurızda bwzıldı. Hakerler virus engizgennen keyin atalğan bağdarlamanı SolarWinds twtınuşıları, sonıñ işinde AQŞ memlekettik organdarı jäne 400-den astam iri kompaniyalar jüktegen jäne qoldanğan. Bwl turalı 2020 jıldıñ jeltoqsanında AQŞ Wlttıq barlau departamentiniñ, FBR jäne infraqwrılımdıq jäne kiberqauipsizdik Agenttiginiñ birlesken mälimdemesinde aytıldı. Sol kezde Memlekettik hatşı bolğan Mayk Pompeo «bwl şabuılğa Kreml'diñ tikeley qatısı bar» degen nwsqanı wsındı.

Qañtardıñ soñında AQŞ prezidenti Djo Bayden kez kelgen hakerlik şauldıñ artında Resey twruı mümkin degen. Al Mäskeu Vaşingtonnıñ bwl mälimdemesine jauap bergen joq.

"The Qazaq Times"