AQŞ prezidenti Donal'd Tramp jäne Resey prezidenti Vladimir Putin. Foto: VVS

AQŞ Kongresi Senatınıñ sırtqı ister komitetiniñ ağa demokratı Robert Menendes (N'yu-Djersi) prezident Donal'd Tramptıñ äkimşiligin iri kiberşabuıldarğa qatısı bar Resey äskeri barlauınıñ qızmetkerlerine qarsı sankciya engizudi talap etti.

Habarlamada: «Senatorlar Tramp äkimşiligin Reseydiñ bes azamatına qarsı maqsattı sankciyalar engizuge şaqıradı. Olarğa AQŞ Ädilet ministrligi Reseydiñ müddesi üşin jasalğan birqatar kiberşabuıldar boyınşa ayıp taqtı», –delingen. senatordıñ aytuınşa, AQŞ Qarjı ministrligi sankciyalar engizu arqılı Resey biligine eskertu jasauı kerek deydi. Sonımen qatar demokrat Menendes reseylikterge qarsı 2017 jılı AQŞ-ta qabıldanğan «sankciyalar arqılı Amerikanıñ qarsılastarına qarsı twru turalı» Zañnıñ ayasında şekteulerdi küşeytudi wsındı.

Bwğan deyin Resey SİM-niñ resmi ökili Mariya Zaharova AQŞ-tıñ ayıptauların joqqa şığaratının mädimdegen. Mäskeu bwğan deyin batıs elderiniñ kiberşabuıldardı wyımdastırğanı turalı ayıptarın birneşe ret moyındamağan. Sonımen qatar, Resey tarapı Uaşingtonğa Kiberqauipsizdik boyınşa dialogqa şaqırğan. Al AQŞ Memlekettik hatşısı Mayk Pompeo joğarıda atalğan memleketterge Uaşingtonnıñ kiberşabuıldarğa qatısı bar dep ayıptağan altı reseylikti jauapqa tartudı wsındı.

Ötken aptada AQŞ Ädilet ministrligi «qauipti kiberşabuılğa qatısı bar» altı reseylikke ayıp taqqan. Olar – Resey Federaciyasınıñ äskeri barlauınıñ bwrınğı jäne qazirgi qızmetkerleri. Tergeu mälimetteri boyınşa, «ayıptaluşılar men olardıñ seriktesteri bükil älemdegi, sonıñ işinde Franciya, Gruziya, Niderlandı, Koreya Respublikası, Ukraina, Wlıbritaniya jäne AQŞ-tağı komp'yuterlik jelilerdegi mälimetterdi wrlağan».

"The Qazaq Times"