Soltüstik Koreya qısqı jattığuları. Foto: armytimes.com.

AQŞ şeneunikteriniñ bergen mälimetine sensek, Soltüstik Koreya jıl sayın äskeri oqu-jattığularğa bölinetin qarajattı qısqartqan. Bwl halıqaralıq sankciyalardıñ eldiñ äskeri qadamdarına äser etip jatqanın körsetedi dep habarladı «WSJ» basılımı.

Soltüstik Koreya armiya – älemdegi eñ ülken armiyalardıñ biri. Qwrama Ştattıñ resmi ökilderi jäne ükimetten sırt sarapşılardıñ aytuınşa, Soltüstik Koreyanıñ qısta ötetin äskeri jattığularınıñ qarqını bayau, kölemi de auqımdı emes. Bwğan deyin KHDR äskeri jattığuları är jeldiñ jeltoqsan ayınan kelesi jıldıñ naurız ayına deyin jalğasatın. Soltüstik Koreyanıñ äskeri jattığuındağı bwl körsetkiştiñ bastı sebebi BWW bekitken sankciya dep esepteydi, AQŞ ökilderi. Öñdelgen jäne şiki mwnay önimderiniñ kiruin aytarlıqtay şektegennen keyin elde qwrlıq jäne äue jattığuların qısqartıp, şekti mwnay önimin ünemdeuge köşken.

Soltüstik Koreya isi jönindegi äskeri sarapşılardıñ biri Jozef Bermudzeniñ aytuınşa, äskeri jattığudıñ qısqaruı Soltüstik Koreyanıñ naqtı soğıs quatına da äser etetin boladı. Sebebi, äskerlerdiñ soğıs qabiletin saqtap twru üşin ünemi oqu-jattığu jasatu kerek boladı.

Degenmen, AQŞ-tıñ özge äskeri sarapşıları bwl Soltüstik Koreya äskeri quatın eleuli därejede tömendetpeytinin eskertti. Sonımen birge, qazirge deyin halıqaralıq sankciyalardıñ KHDR yadrolıq bağdarlaması men zımıran damıtu bağdarlamalarına qalay äser etip jatqanın anıq bile almay otırğandarın alğa tarttı.

“The Qazaq Times”