Foto: ria.ru

AQŞ prezidenti Donald Tramp särsenbi küni immigraciya turalı jarlıqqa qol qoyuı mümkin. Ol jarlıq mwsılman elderinen keletin bosqındar men migranttarğa qatıstı. Bwl turalı kongressmenderdiñ birneşe kömekşileri men immigraciyağa qatıstı sarapşılarğa silteme jasap, reuters.com habarlaydı.  

Agenttiktiñ habarlauınşa, Tramp bwl jarlıqqa İşki Qauipsizdik Ministrliginde qol qoyadı dep kütilude. Kongressmen kömekşileri, sarapşılar jäne birneşe atın atamaudı jön sanağan twlğalardıñ keltirgen mälimetteri boyınşa, Tramptıñ bwl jarlığınan keyin, Iran, Irak, Liviya, Somali, Sudan, Süriya men Yemen vizaları bar bosqındar men özge de adamdardıñ AQŞ-qa kiruine tıyım salınadı.

AQŞ prezidentiniñ biligi şekteuli – mısalı, onıñ jarlıqtarın Kongress tejeui mümkin (eger qarajat böluden bas tartsa) nemese sot toqtatuı mümkin (eger jarlıq konstituciyağa säykes kelmese). Osılayşa, Obama da qarajat bölu kerek degen Kongrestiñ wstanımına säykes kelmegendikten, Guantanamodağı äskeri türmeni jaba almağan. Sonday-aq, onıñ zañsız immigranttardı zañdastıru kerek degen jarlığı, sottıñ rastamağandıqtan  jüzege aspaytın boldı. Degenmen, Obama bastamaların Kongreske engize almasa da, öziniñ sayasatın jürgizu üşin jarğı-jarlıqtardıñ retin bilip, belsendi qoldanıp otırdı.

Tramp ta osığan wqsas strategiya tañdauı mümkin. Sebebi, Respublikalıq partiya müşeleri (Tramp ta Respublikalıq partiyadan)  bolsa da,  olar eki Kongress palatasın baqılap otıradı. Al, palatalar Trampqa tikeley bağınbaydı jäne onıñ kün tärtibindegi jwmıstardı jüzege asıruğa mindetti emes.

Sonday-aq, Aqüyde  «Bostandıq» eskertkişin alıp tastau turalı peticiya  jazıldı. Sebebi, peticiya avtorınıñ aytuınşa «Ol (eskertkiş) – AQŞ-tıñ aşıq türde immigranttar qabıldap aluına jol aşatın, olardıñ keluine mümkindik beretin eskertkiş». Bwl turalı  Life.ru habarladı.

«Sender mwnda erkin demalasıñdar», «Jel aydap äkelgen üysizderdi mağan jiber» degen sıñaylı wrandardı 150 jıl bwrın aytıp edik.  Qazir olay emes», – deydi avtor.  Bwl wsınısqa qazirgi uaqıtta 3 adam qol qoydı.

 

"The Qazaq Times"