ترامپ مۇسىلمان بوسقىندارىنا قارسى جارلىققا قول قويادى

اقش پرەزيدەنتى دونالد ترامپ سارسەنبى كۇنى يمميگراتسيا تۋرالى جارلىققا قول قويۋى مۇمكىن. ول جارلىق مۇسىلمان ەلدەرىنەن كەلەتىن بوسقىندار مەن ميگرانتتارعا قاتىستى. بۇل تۋرالى كونگرەسسمەندەردىڭ بىرنەشە كومەكشىلەرى مەن يمميگراتسياعا قاتىستى ساراپشىلارعا سىلتەمە جاساپ، reuters.com حابارلايدى.  

اگەنتتىكتىڭ حابارلاۋىنشا، ترامپ بۇل جارلىققا ىشكى قاۋىپسىزدىك مينيسترلىگىندە قول قويادى دەپ كۇتىلۋدە. كونگرەسسمەن كومەكشىلەرى، ساراپشىلار جانە بىرنەشە اتىن اتاماۋدى ءجون ساناعان تۇلعالاردىڭ كەلتىرگەن مالىمەتتەرى بويىنشا، ترامپتىڭ بۇل جارلىعىنان كەيىن، يران، يراك، ليۆيا، سومالي، سۋدان، ءسۇريا مەن يەمەن ۆيزالارى بار بوسقىندار مەن وزگە دە ادامداردىڭ اقش-قا كىرۋىنە تىيىم سالىنادى.

اقش پرەزيدەنتىنىڭ بيلىگى شەكتەۋلى – مىسالى، ونىڭ جارلىقتارىن كونگرەسس تەجەۋى مۇمكىن (ەگەر قاراجات بولۋدەن باس تارتسا) نەمەسە سوت توقتاتۋى مۇمكىن (ەگەر جارلىق كونستيتۋتسياعا سايكەس كەلمەسە). وسىلايشا، وباما دا قاراجات ءبولۋ كەرەك دەگەن كونگرەستىڭ ۇستانىمىنا سايكەس كەلمەگەندىكتەن، گۋانتاناموداعى اسكەري تۇرمەنى جابا الماعان. سونداي-اق، ونىڭ زاڭسىز يمميگرانتتاردى زاڭداستىرۋ كەرەك دەگەن جارلىعى، سوتتىڭ راستاماعاندىقتان  جۇزەگە اسپايتىن بولدى. دەگەنمەن، وباما باستامالارىن كونگرەسكە ەنگىزە الماسا دا، ءوزىنىڭ ساياساتىن جۇرگىزۋ ءۇشىن جارعى-جارلىقتاردىڭ رەتىن ءبىلىپ، بەلسەندى قولدانىپ وتىردى.

ترامپ تا وسىعان ۇقساس ستراتەگيا تاڭداۋى مۇمكىن. سەبەبى، رەسپۋبليكالىق پارتيا مۇشەلەرى (ترامپ تا رەسپۋبليكالىق پارتيادان)  بولسا دا،  ولار ەكى كونگرەسس پالاتاسىن باقىلاپ وتىرادى. ال، پالاتالار ترامپقا تىكەلەي باعىنبايدى جانە ونىڭ كۇن تارتىبىندەگى جۇمىستاردى جۇزەگە اسىرۋعا مىندەتتى ەمەس.

سونداي-اق، اقۇيدە  «بوستاندىق» ەسكەرتكىشىن الىپ تاستاۋ تۋرالى پەتيتسيا  جازىلدى. سەبەبى، پەتيتسيا اۆتورىنىڭ ايتۋىنشا «ول (ەسكەرتكىش) – اقش-تىڭ اشىق تۇردە يمميگرانتتار قابىلداپ الۋىنا جول اشاتىن، ولاردىڭ كەلۋىنە مۇمكىندىك بەرەتىن ەسكەرتكىش». بۇل تۋرالى  Life.ru حابارلادى.

«سەندەر مۇندا ەركىن دەمالاسىڭدار»، «جەل ايداپ اكەلگەن ۇيسىزدەردى ماعان جىبەر» دەگەن سىڭايلى ۇرانداردى 150 جىل بۇرىن ايتىپ ەدىك.  قازىر ولاي ەمەس»، – دەيدى اۆتور.  بۇل ۇسىنىسقا قازىرگى ۋاقىتتا 3 ادام قول قويدى.

"The Qazaq Times"