Soltüstik Koreyanıñ 29 qaraşadağı wşırğan ballistikalıq zımıran. Foto: WSJ.

BWW Qauipsizdik keñesiniñ ötken jwmadağı otırısı kezinde, Soltüstik Koreyağa qarsı salınğan sankciyalardı küşeytu qararın bir auızdan maqwldadı. Qauipsizdik keñestiñ bwl qararı 29 qaraşadağı Soltüstik Koreya wşırğan qwrlıqaralıq ballistikalıq zımıran sınağına jauap retinde jasaldı. Jaña sankciyada KHDR-ğa äkelinetin şiki jäne öñdelgen mwnay men mwnay önimderin tipti de qısqarta tüsedi. Bwl turalı «WSJ» basılımı habarladı.

Jaña sankciya Soltüstik Koreyağa kiretin şiki jäne tazartılğan mwnaydıñ 90 payızın qısqartıp tastaydı. Qauipsizdik keñesiniñ aytuınşa osı energiya közderi Soltüstik Koreyanıñ äskeri quatı men yadrolıq bağdarlamaları üşin asa mañızdı. Sankciyalar Soltüstik Koreyanıñ şiki mwnaydı importtau limitin 4 million barrel'ge deyin qısqartadı. Oğan qosa dizel' jäne kerosin siyaqtı tazartılğan mwnaydıñ importınıñ jıldıq kölemi 500 mıñ barrel'ge deyin tömendetedi. Bwl KHDR üşin auır soqqı bolatını anıq.

Soltüstik Koreyanıñ jeksenbi küni resmi aqparat agenttigi arqılı taratqan mälimetinde, Qwrama Ştat bastağan bwl sankciya şeşimi «soğıs aşumen» birdey dep bağalağan. Sonımen birge, bwl şarağa qarsı «yadrolıq tejeudi» arttıra tüsetinin mälimdegen.

Soltüstik Koreya mälimdemesinde «Sankciyağa qoldau körsetken elderge de qarsı şara qoldanamız» dep qorqıtqan.

Qıtaydıñ SİM-i jasağan mälimdemesinde AQŞ -tıñ bastamasımen salınğan sankciyanıñ salmağı tım auır bolatının, Qıtay özine qatıstı keybir jeñildikterdi jasaytının alğa tartqan.

“The Qazaq Times”