Tankke qarsı zımıran. Foto; Washington Examiner.

AQŞ Qorğanıs tarauları men Sırtqı ister ministrliginiñ mälimetinde, Ukrainağa ozıq soğıs qaruların satıp beretinderin jariyalağan bolatın. Bwl Mäskeudiñ mazasın ketirdi. Apta soñında jasağan mälimdemede Resey jaq AQŞ-qa bwl qadamğa barmauğa şaqırıp, eskertu jasadı. Bwl turalı «People» basılımınıñ resmi saytı jazdı.

Qwrama Ştat ükimetiniñ mälimdemesinde Ukrainanıñ şekara qauipsizdigin qorğauına, egemendigin saqtap, wzaq merzimdik qorğanıs quatın bekemdeuine, sonımen qatar ıqtimal soğıs jağdayına qarsı twra aluına qoldau körsetu üşin ozıq äri qorğanıs qabileti joğarı qaru-jaraq satıp beretinin jazğan.

Media taraularınıñ körsetken mälimetinde AQŞ-tıñ Ukrainağa satıp beretin qarularınıñ arasında 210 dana tankke qarsı zımıran men 35 zımıran qwrılğısınıñ bar ekeni mälim boldı. Atalğan mañızdı soğıs tehnikaların qamtığan saudanıñ qwnı 47 mln AQŞ dolları şamasında.

Qwrama Ştattıñ bwl şeşimi Reseydiñ küşti narazılığın tudırdı, äri Mäskeu jaq AQŞ-qa eskertu jasadı. Resey ükimeti resmi ökilderiniñ biri: «AQŞ-tıñ bwl qadamı Kievke qarastı qarulı küşterdiñ Ukraina şığısında soğıs tudıruına sebep boladı», – dedi. Mäskeudiñ bağalauınşa, AQŞ-tıñ Ukrainağa bağıttağan şeşimi öñirdiñ beybitşiligin büldiru bolıp sanaladı.

“The Qazaq Times”