Tramptı qoldauşılar sanı köbeye tüsti. Foto: ChicagoNow.

Qwrama Ştattağı belsendi qoğamdıq wyımdar, medialar är ay sayın AQŞ prezidenti bağalau jönindegi saualnama jürgizedi. Prezident Tramp Aq üy basşısı bolğalı beri onıñ sayasatın qoldau körsetkişi ay sayın tömendep keldi. Kezekti bağalau qorıtındısı boyınşa da bwl ürdis jalğasın tapqan. Kerisinşe Tramptıñ ekonomikalıq şaralarına qoldau reytingi joğarılağan.

AQŞ-tağı tanımal «WSJ» basılımı men NBC arnası birlese otırıp jasağan jaña saualnama nätijesine qarağanda, Tramptıñ ekonomikada jasağan jaña reformaları amerikalıqtardıñ köñilinen şığuda. Aytalıq Qwrama Ştatta jwmıssızdıq deñgeyi 17 jıldağı eñ tömengi körsetkişke tüsken. Jwmıspen qamtu men qor narığı salasında jaña rekord tirkelgen. Respondentterdiñ basım köbi Tramptıñ ekonomika sayasatına qoldau bildirgen. Tek saualnama qatısqandardıñ 37 payızı ğana qarsı pikirde.

Ötken aydağı «Pew» zertteu ortalığınıñ saualnamasına säykes, respondentterdiñ 32 payızı ğana Tramp sayasatın qoldağan edi. Bwğan qarap, Qaraşa ayına qarağanda Tramptıñ amerikalıqtar arasında bedeli arta tüsti deuge boladı. Qaraşa ayında ol öziniñ prezident bolğannan bergi eñ tömen qoldau körsetkişine ie bolıp edi.

Jaña zertteu nätijesine qarağanda, Tramptı qoldau körsetkişi 38 payızdı qwrap, 6 payızğa joğarlağan.

“The Qazaq Times”