Foto: sondakika.com

Qazaqstanda AQŞ demokartiyasın qalıptastıru mümkin emes – dep mälimdedi Nwrswltan Nazarbaev.

Nwrswltan Nazarbaev Bloomberg basılımına bergen swhbatında: «Qazaqstan wzaq jıldar boyı patşalıq Resey men Keñester odağınıñ qwramında bolğandıqtan, osı uaqıtqa deyin köptegen adamdar narıqtıq ekonomika men jeke menşik bolmauı kerek dep eseptep keldi. Bwnıñ barlığı memlekettiñ qaramağında boluı tiis dep oyladı. Osıdan keyin Batıs elderiniñ Qazaqstanda Amerika demokratiyasın jasağısı keletindikteri qisınğa kelmeydi. Mağan osınıñ barlığın AQŞ-tıñ birneşe memlekettik hatşılarına däleldeuime tura keldi. Men Olbrayt hanım men Kondaliza Rays hanımğa barlığın tüsinetinimdi ayttım. Biz de jer şarın tolıqtay demokratiyalandırğımız keledi. Biraq sizder de bizdi tüsinuleriñiz kerek. Aziya qoğamı, islam dini mülde basqa bastaudan tamır aladı. Bizdiñ sizdermen salıstırğanda dinge, dästürge, otbasımızğa, äyelderge, balalarğa, tuıstarımızğa degen közqarasımız mülde bölek. AQŞ prezidenti Donal'd Tramp aytqanday: «bükil älemge Amerika qwndılıqtarın nasihattay berudiñ qajeti joq». Qanday da bir eldi bilmey jatıp, oğan «Amerika bol» -dep aytudıñ qajeti joq. Auğanstanda Amerikadağıday demokartiya bola ma? Joq,  älde Irakta Europa nemese Amerikadağıday demokratiya ornaydı dep oylaysız ba? Olay eş uaqıtta bolmaydı. Onday jağday bolu üşin uaqıt kerek. Halıqtıñ sayasi sanası ösui tiis. El bwnıñ ne ekenin tüsinui kerek. Demokratiya – memleketterdiñ zañğa bağınuı. Zañdı bwzsañ jazalanasıñ» -degen.

“The Qazaq Times”