نازارباەۆ: قازاقستاندا اقش دەموكراتياسىن قالىپتاستىرۋ مۇمكىن ەمەس

قازاقستاندا اقش دەموكارتياسىن قالىپتاستىرۋ مۇمكىن ەمەس – دەپ مالىمدەدى نۇرسۇلتان نازارباەۆ.

نۇرسۇلتان نازارباەۆ Bloomberg باسىلىمىنا بەرگەن سۇحباتىندا: «قازاقستان ۇزاق جىلدار بويى پاتشالىق رەسەي مەن كەڭەستەر وداعىنىڭ قۇرامىندا بولعاندىقتان، وسى ۋاقىتقا دەيىن كوپتەگەن ادامدار نارىقتىق ەكونوميكا مەن جەكە مەنشىك بولماۋى كەرەك دەپ ەسەپتەپ كەلدى. بۇنىڭ بارلىعى مەملەكەتتىڭ قاراماعىندا بولۋى ءتيىس دەپ ويلادى. وسىدان كەيىن باتىس ەلدەرىنىڭ قازاقستاندا امەريكا دەموكراتياسىن جاساعىسى كەلەتىندىكتەرى قيسىنعا كەلمەيدى. ماعان وسىنىڭ بارلىعىن اقش-تىڭ بىرنەشە مەملەكەتتىك حاتشىلارىنا دالەلدەۋىمە تۋرا كەلدى. مەن ولبرايت حانىم مەن كونداليزا رايس حانىمعا بارلىعىن تۇسىنەتىنىمدى ايتتىم. ءبىز دە جەر شارىن تولىقتاي دەموكراتيالاندىرعىمىز كەلەدى. بىراق سىزدەر دە ءبىزدى تۇسىنۋلەرىڭىز كەرەك. ازيا قوعامى، يسلام ءدىنى مۇلدە باسقا باستاۋدان تامىر الادى. ءبىزدىڭ سىزدەرمەن سالىستىرعاندا دىنگە، داستۇرگە، وتباسىمىزعا، ايەلدەرگە، بالالارعا، تۋىستارىمىزعا دەگەن كوزقاراسىمىز مۇلدە بولەك. اقش پرەزيدەنتى دونالد ترامپ ايتقانداي: «بۇكىل الەمگە امەريكا قۇندىلىقتارىن ناسيحاتتاي بەرۋدىڭ قاجەتى جوق». قانداي دا ءبىر ەلدى بىلمەي جاتىپ، وعان «امەريكا بول» -دەپ ايتۋدىڭ قاجەتى جوق. اۋعانستاندا امەريكاداعىداي دەموكارتيا بولا ما؟ جوق،  الدە يراكتا ەۋروپا نەمەسە امەريكاداعىداي دەموكراتيا ورنايدى دەپ ويلايسىز با؟ ولاي ەش ۋاقىتتا بولمايدى. ونداي جاعداي بولۋ ءۇشىن ۋاقىت كەرەك. حالىقتىڭ ساياسي ساناسى ءوسۋى ءتيىس. ەل بۇنىڭ نە ەكەنىن ءتۇسىنۋى كەرەك. دەموكراتيا – مەملەكەتتەردىڭ زاڭعا باعىنۋى. زاڭدى بۇزساڭ جازالاناسىڭ» -دەگەن.

“The Qazaq Times”