NATO Türkiya men Reseydiñ S-400 jüyesin satu-satıp alu isine kelisti. Foto: YouTube.

Osıdan biraz bwrın Türkiya men Resey taraptarı reseylik S-400 zımıran qorğanıs jüyesin satu-satıp alu kelisimine qol qoyğan edi. Eki eldiñ bwl qadamı NATO-nıñ qarsılığın tudırğan. Keşe, 27 qaraşada TASS agenttigi NATO äskeri komitetiniñ törağası Piter Pavelge silteme jasap, endi NATO eki eldiñ kelisimine rwqsat etkenin habarladı. Piter Pavel bwl jöninde «AQŞ jañalıqtarı men älemdik saraptama» basılımına bergen swhbatında aytqan. 

«Şinlañ» aqparattıq saytınıñ jazuınşa, Piter Pavel swhbatında: «Türkiya tarabınıñ müddesinen alğanda, NATO bwğan rwqsat bermeuge şarasız. Biz bwl mäselege pragmatikalıq közqaraspen qarauğa mäjbürmiz. Degenmen, Türkiya bwl qalıptasqan mäselelerdi talqılauğa bola twra qarım-qatınastı küşpen bwzğanı aqılğa qonımsız», – degen pikirin aytadı. Ol jäne NATO men Türkiya arasında bwl mäselelerdi talqılağalı jatqanın, osı arqılı eki tarap tüsinistik tabuı mümkin ekenin aytadı. Piter Paveldiñ aytuınşa Türkiya NATO-nıñ mañızdı äriptesi–geografiyalıq ornalasu erekşeliginde ğana emes, äsirese Iran, Irak, Süriyamen şekaralas jäne wyımğa müşe elder arasında ekinşi iri el sanaladı. Onıñ sırtında Türkiya NATO-ğa müşe bolğan bir ğana mwsılman el.

Alayda, osıdan bwrın NATO-nıñ joğarı lauazımdı ökili Türkiyanıñ reseylik äue qorğanıs jüyesin satıp aluına qatañ wstanım jasağan edi. 25 qazanda «AQŞ qorğanıs jañalıqtarı» veb-saytında taratılğan eskertude «Eger NATO-ğa müşe bir el Resey äue qorğanıs jüyesin satıp alsa onıñ zardabı auır boladı» - delingen. Eskertude jäne Türkiyanıñ bwl qadamı NATO-dağı äriptesteriniñ birıñğay äue qorğanıs jüyelerin türik elinen şığarıp ketui sekildi tehnikalıq şekteulerge wşıraytını aytılğan.

«AQŞ jañalıqtarı men älemdik saraptama» basılımında aytıluınşa, AQŞ jäne NATO-dağı özge odaqtastar Türkiyanıñ reseylik äue qorğanıs jüyesin satıp aluın qalamaydı. Mwnıñ eñ negizgi eki sebebi mınau – birinşi äskeri isterdegi sebebi, yağni S-400 jüyesi NATO-nıñ äue şabuılına qarsı qorğanıs jüyesine qosılmaydı; ekinşisi sayasi sebep, Türkiya jaq Reseyge jüzdegen million AQŞ dolların töleydi. Bwl Uaşingtonnıñ Reseyge salıp otırğan sankciyasın bwzadı.

Älemdik BAQ-tıñ mälimetine jüginer bolsaq, S-400 äue qorğanıs jüyesin satu-satıp aludağı Resey men Türkiya arasındağı kelisim qwnı 2,5 mlrd AQŞ dolların qwraydı. Türkiya jaq mwnıñ bastapqı tölemin tölep ülgerdi. Qalğan bölegi Reseydiñ Türkiyağa bergen nesiesi retinde birtindep tölenbek. Al, jüye jabdıqtarı eki jılda tolıqtay ornatılıp, türik äue keñistigin qorğauğa qabiletti boladı delingen.

“The Qazaq Times”