Aqsu qant zauıtında aradağı on jıldıq üzilisten keyin alğaşqı qant alındı. Bwl turalı keşe oblıs äkimi Amandıq Batalovtıñ Aqsu audanına barğan jwmıs saparında belgili boldı, dep habarlaydı oblıs äkimdiginiñ baspasöz qızmeti.

Qazir Aqsu qant zauıtına qant qızılşası Aqsu, Sarqan, Alaköl audandarınan jetkizilude. Qazirgi kezde käsiporınnıñ qızılşa jinaqtau alañında 80 mıñ tonna tätti tübir jatır. Bügingi küni zauıt 2 mıñ tonna şikizat öñdep, alğaşqı qantın aldı.

«Aqsu qant» JŞS-nıñ atqaruşı direktorı Säken Mwratovtıñ aytuınşa, zauıtta jasalğan jöndeu jwmıstarınıñ nätijesinde qant qızılşasın öñdeu men qant şığarudı bastau jwmıstarınıñ jüyesi iske qosıldı. Keler jıldan bastap negizgi jäne qosalqı öndiristerdi kezeñ-kezeñimen jañğırtu jwmıstarı bastaladı, quattılığı 5 megavattıq jaña jılu-elektr ortalığı paydalanuğa beriledi, zamanaui jılu qazandıqtarı men turbogeneratorlar ornatıladı. Sol siyaqtı tehnologiyalıq procesterdi avtomattandıru jwmısı odan äri jalğastırılıp, soñğı 3 jılda zauıttıñ öndiristik quattılığı artpaq.

Jalpı käsiporın jıl boyı 300-350 mıñ tonnağa deyin qant qızışasın öñdeytin quatqa ie.

Biılğı mausımda 80 mıñ tonnağa deyin qant qızılşasın öñdep, 6 mıñ tonna qant alu josparlanıp otır. Biılğı jıldıñ qırküyek ayınan beri zauıtqa qant qızılşasın qabıldau jalğasıp jatır.

“The Qazaq Times”