Foto: Newsone

Zimbabve Prezidenti Robert Mugabe otstavkağa ketuden bas tarttı. Bwl turalı ol äskeri generaldarmen bolğan kezdesu barısında habarladı. Osığan deyin Zimbabve äskeri telearna men radionı öz qoldarına alıp, memlekettik instituttardı qorşauğa alıp, Prezidentti baqılauğa alğan bolatın. Derekterdiñ biri onı twtqındaldı dese, endi biri -üy qamağında otır degen aqparat tarattı. 

Keşe bolğan äskeri bilik ökilderimen kezdesuge Prezident öziniñ jeke rezidenciyasınan arnayı kölikpen keldi. Zimbabve äskeriniñ soñğı künderi jasağan äreketterin älemdik qauımdastıq "memlekettik töñkeris" dep bağalağanımen, olar mwnıñ bäri jemqor, qılmısker şeneunikterdi jazalau üşin uaqıtşa wyımdastırılğan şara degen pikirlerinen tanbay otır.

Biraq eldi 1980 jıldan beri 37 jıl boyı basqarıp kelgen Prezidentti almastıru turalı oy jergilikti halıqtan bastap, barlıq äskeriler men memlekettik qızmetkerlerdiñ oyında bar siyaqtı. Öytkeni APF tilşisine pikir bergen äskeri ökilderdiñ biri: "Ol bügin otstavkağa ketpeytinin ayttı. Meniñşe, ol jay ğana uaqıt wtqısı keletin siyaqtı", -dedi.

“The Qazaq Times”