فوتو: Newsone

زيمبابۆە پرەزيدەنتى روبەرت مۋگابە وتستاۆكاعا كەتۋدەن باس تارتتى. بۇل تۋرالى ول اسكەري گەنەرالدارمەن بولعان كەزدەسۋ بارىسىندا حابارلادى. وسىعان دەيىن زيمبابۆە اسكەرى تەلەارنا مەن راديونى ءوز قولدارىنا الىپ، مەملەكەتتىك ينستيتۋتتاردى قورشاۋعا الىپ، پرەزيدەنتتى باقىلاۋعا العان بولاتىن. دەرەكتەردىڭ ءبىرى ونى تۇتقىندالدى دەسە، ەندى ءبىرى -ءۇي قاماعىندا وتىر دەگەن اقپارات تاراتتى. 

كەشە بولعان اسكەري بيلىك وكىلدەرىمەن كەزدەسۋگە پرەزيدەنت ءوزىنىڭ جەكە رەزيدەنتسياسىنان ارنايى كولىكپەن كەلدى. زيمبابۆە اسكەرىنىڭ سوڭعى كۇندەرى جاساعان ارەكەتتەرىن الەمدىك قاۋىمداستىق "مەملەكەتتىك توڭكەرىس" دەپ باعالاعانىمەن، ولار مۇنىڭ ءبارى جەمقور، قىلمىسكەر شەنەۋنىكتەردى جازالاۋ ءۇشىن ۋاقىتشا ۇيىمداستىرىلعان شارا دەگەن پىكىرلەرىنەن تانباي وتىر.

بىراق ەلدى 1980 جىلدان بەرى 37 جىل بويى باسقارىپ كەلگەن پرەزيدەنتتى الماستىرۋ تۋرالى وي جەرگىلىكتى حالىقتان باستاپ، بارلىق اسكەريلەر مەن مەملەكەتتىك قىزمەتكەرلەردىڭ ويىندا بار سياقتى. ويتكەنى APF تىلشىسىنە پىكىر بەرگەن اسكەري وكىلدەردىڭ ءبىرى: "ول بۇگىن وتستاۆكاعا كەتپەيتىنىن ايتتى. مەنىڭشە، ول جاي عانا ۋاقىت ۇتقىسى كەلەتىن سياقتى", -دەدى.

“The Qazaq Times”