AQŞ prezidenti barlau basqarmalarında tarihi qwpiya qwjattardı jariyalauğa qol qoyğannan keyin, Ortalıq barlau basqarması birqatar qwpiya qwjattardı köpşilikke jariya etti. Ortalıq barlau basqarmasınıñ direktorı Mayk Pompeo ötken aptada 18 mıñ dokument, 79 mıñ audio material, 10 mıñ video material jariyalağandarın mälimdedi. Jariya etilgen materialdar arasında «äl-Kaidanıñ» lideri Usama ben Ladenniñ komp'yuterinde saqtalğan materialdar da bar. Bwl turalı BBC onlayn qızmeti habarladı.

2011 jılı Usama ben Laden Pakistannıñ Abbodtabad jerinde arnayı qızmetkerler jağınan öltirildi. Bwl aqparatqa kümänmen qarağandar da köptep boldı. Alayda, osıdan keyin ben Laden älem jwrtşılığına köringen emes. Sol kezde aqparat közderi oğan täueldi degen komp'yuterdiñ tabılğanın habarlağan edi. Bwl komp'yuterdegi fayldar bölek-bölek jariya etilip keledi. Al bwl jolı AQŞ Wlttıq mwrağat saytına jariya etilgen materialdar bwrınğılarınan säl basqaşa. Aytalıq, bin Ladenniñ kündelikteri, otbasımen tüsken videoları, wlı Hamzanıñ üylenu toyında tüsirilgen video keskinder de bar. Tipti, mul'tfil'mder men YouTube-ten tüsirilgen rolikter de bar.

Hamza bin Laden. Foto: BBC.

Bwl Usama ben Ladenniñ materialdarın törtinşi ret jariyalanuı. AQŞ Wlttıq qauipsizdigi jağınan jariyalauğa rwqsat etpegen bir bölimi äli de köpşilik üşin qoljetimdi emes. Qazirge deyin Ortalıq barlau basqarması ben Ladenniñ komp'yuterinen 470 mıñ fayldı tauıp şıqqan. Solardıñ biri wlı Hamzanıñ üylenu toyınıñ video taspaları. Oğan taldau jasağanda Iranda tüsirilgen boluı mümkin degen boljam jasalğan. Osığan deyin Hamzanıñ tek bala kezindegi videoları ğana jariyalanıp kelgen.

Video bir sağat şamasında. Onda Hamza saqal-mwrttı bir top adamnıñ ortasında otırğanın köruge boladı. Bwl keskinde bin Ladin tüspegen. Alayda, Hamzanı küyeu balam dep atağan bir adamnıñ «bwl quanış basqa madjahedterge de taralıp jatır» degen sözderi bar. Oğan qosa söz arasında Hamzanıñ «äl-Kaidağa» mwrager boluı mümkin ekenin aytısadı.

Soñğı kezderinde terrorlıq wyım Hamzanıñ AQŞ-qa qaratqan qorqıtu sözderi bar audio materialdardı taratqan. Onda Saud Arabiyasınıñ ükimetin qwlatu jäne Süriyadağı jihadşılardı qoldau turalı aytıladı. Degenmen, AQŞ Ortalıq barlau basqarması wlttıq qauipsizdikke sayatın qwpiya materialdar qatarında Hamza jäne onıñ äkesi turalı äli de köp qwjattardı taratpay otır.

“The Qazaq Times”