Alf. Foto: npm.

Älemdik aqparat qwraldarınıñ habarına qarağanda, «Al'f» (ALF) dep atalğan kiberşabuılşı Australiyanıñ (Avstraliya) qorğanıs merdigeriniñ komp'yuterine basıp kirgen jäne AQŞ-tıñ zamanaui qaru-jaraq jüyesiniñ derekterine tört ay boyı şabuıldap kelgeni turalı habarladı. Bwl turalı «WSJ» basılımı jazdı.

Şabuıldauşı «admin, admin» jäne «guest», «guest» qwpiya sözderiniñ qarapayım tirkesimin qoldana otırıp, kompaniya portalınıñ älsizdigin paydalanıp derekter qorına kirgen. Äri jeli işinde 4 ay boyı saqtalğan. Australiya jaq bwl şabuıldı «Alf's Mystery Happy Fun Time» derekteriniñ ağıp ketui dep atadı. Al'f bolsa – tanımal «Üyde jäne tüzde» (Home and Away) serialındağı sätti rölderdiñ biri.

Australiyalıq ağa oficerlerdiñ biri särsenbi küni bwl oqiğa turalı mälimdeme jasadı. Ol sözinde bwl AQŞ-tıñ äskeri jäne memlekettik qwpiya materialdarınıñ ötken aptadan beri üşinşi ret wrlanuı ekenin atap ötti.

Seysenbi küni Oñtüstik Koreya ükimetiniñ resmi ökili Soltüstik Koreya hakerleri kiberşabuıl arqılı Oñtüstik Koreyanıñ äskeri derekter bazasınan materialdar alıp ketkeni turalı habarlağan edi. Bwdan sırt, Resey ükimeti üşin jwmıs isteytin hakerler AQŞ-tıñ sırtqı komp'yuterlik jelige qalay kirgendigi turalı jäne öz jelisin qorğau turalı mälimetterdi wrlap ketkeni de mälim.

Australiya ükimeti jağınan şabuılda hakerlerdiñ identifikaciyası men affiliirlenui jariya etilmedi, biraq Australiya tarabı saraptay kele hakerlik top şeteldik bir ükimetke qızmet etetin arnaulı top degen qorıtındığa keldi. Şabuıldıñ maqsatın anıqtağan şeneunikter bwl şabuıldı Qıtay tarabınan kelgen boluı mümkin dep qaraydı.

“The Qazaq Times”