Kasperskiy derekterdi wrlauşı boluı mümkin. Foto: The Hacker News.

AQŞ-tıñ bwrınğı jäne qazirgi ükimetiniñ ökilderi mälimdegendey, Resey älemdik komp'yuter jelilerine swğanaqtıq jasap otır, äri oğan tanımal antivirustıq bağdarlama Kasperskiydi paydalanadı. Sol arqılı Resey jaq AQŞ ükimetiniñ qwjattarı men qwpiya materialdarın wrlauğa tırısıp keledi. Bwl turalı «The Wall Street Journal» basılımı habarladı.

Atalğan antivirus bağdarlamalıq jasaqtaması Mäskeude ornalasqan «Kasperskiy zerthanasında» (AO Kaspersky Lab) dayındaladı. Bwl bağdarlamanıñ jwmıs tärtibi tüsinikti – virustar men basqa da ziyandı bağdarlamalardı anıqtau üşin bağdarlamalıq jasaqtama ornatılğan komp'yuterdi ünemi skanerleytin boladı. Sol arqılı bağdarlama komp'yuterlik jelilerden qwpiya materialdardı jinaydı jäne AQŞ ükimetiniñ qwpiya «Memlekettik qwpiya qwjattarına» şabuıldap kiredi.

Osıdan bwrın AQŞ barlau agenttikteri reseylik atalğan komp'terlik bağdarlamanı memlekettik mekemelerde qoldanuğa şekteu qoydı. Sonday-aq, AQŞ Wlttıq qauipsizdik agenttiginiñ (NSA) qwpiya derekterin wrlağanı üşin Qwrama Ştat köleminde Kasperiskiydiñ qızmetine tosqauıl qoydı. AQŞ ükimetiniñ resmi ökilderi Reseydiñ Kasperskiy bağdarlamalarınan paydalanıp, köbinde AQŞ-tı nısanağa alğan «wrlıq» jasaytının aşıq ayttı.

Degenmen, Kasperskiy kompaniyasınıñ atqaruşıları bwl aytılğandardı teriske şığarıp otır.

“The Qazaq Times”