Ğwlama-ğalım, Halifa Altay qajı

Biıl esimi külli türki älemine keñinen tanımal dinta­nuşı Halifa Ğaqıpwlı Altaydıñ 100 jıldıq mereytoyı Qazaqstanda ğana emes, Türkiya, Qıtay jäne Europanıñ birqatar elderinde atap ötiledi.

Mereytoy kezinde «Ğılım Ordasınıñ» kitaphanası «Qazaqstan ğalımdarınıñ bibliografiyası» seriyası boyınşa «Altay Halifa Ğaqıpwlı» attı kitap şığarıladı. Bwdan bölek «Halifa Altay jäne qayta oralğan tarih» attı konferenciya jäne fotosuret körmesi wyımdastırılıp, Halifa Altay turalı derekti fil'm tüsiriledi, dep jazadı Egemen Qazaqstanğa silteme jasap muftyat.kz.

1917 jılı Qıtay Halıq Respublikasında ömirge kelip, 2003 jılı 15 tamızda Qazaqstanda qaytıs bolğan Halifa Altaydı büginde jwrtşılıq san qırlı öner iesi retinde tanidı. Qazaq diasporasınıñ körnekti qayratkeri qasietti «Qwran Kärim» kitabınıñ qazaq tilindegi twñğış audarmaşısı ğana emes, 1989-1990 jıldardağı baspageri, dintanuşı, islamtanuşı, jazuşı, aqın, antropolog, tarihşı, etnograf, audarmaşı, qoğam qayratkeri retinde tarihta qaldı. «Alaş» sıylığınıñ alğaşqı laureatı, Qazaqstan Jazuşılar odağınıñ müşesi.

Ol atajwrtqa Elbasınıñ şaqıruımen Türkiyadan  oralğan edi. «Qwran Kärim» kitabınıñ qazaq tilindegi twñğış audarmaşısı turalı kezinde  WĞA qwrıltayşılarınıñ biri äl-Maşani: «Osı audarma men onıñ tüsinikterinen basqa eş närse jazbağan künniñ özinde,  Halifa Altay qajını iri ğwlama-ğalım qatarında tanuğa bolar edi», dep bağalağan bolatın.

«The Qazaq Times»