Foto: vladtime.ru

Qıtay  - halıq sanı men äskeri küşteri jağınan älemde birinşi orındı, jer kölemi boyınşa üşinşi orındı alatın, ekonomikalıq quatı joğarı, yadrolıq äleueti bar, BWW Qauipsizdik Keñesiniñ twraqtı müşesi, älemdik mañızdı investorlar men arzan jwmısşı küşiniñ otanı. Sayasi jüyesi demokratiyadan alıs bolğanımen, damu körsetkişteri "halıq biligi" qwndılığın wstanatın memleketterden qalıspaytın Qıtaydıñ sayasi küntizbesindegi ataulı data jaqındap keledi. 18 qazan küni - Qıtaydağı Kommunistik Partiyanıñ 19-şı Wlttıq Kongresi ötedi. Osı mañızdı şaranıñ aldında CNN jurnalisteri Qıtaydağı biliktiñ negizgi twtqasın wstap otırğandardıñ aldıñğı bestigin ataudı ötinip, belgili sayasattanuşı, jurnalister men ekonomisterge jügingen. Alınğan jauaptardıñ negizinde, nazarlarıñızğa Qıtaydağı negizgi bilikti qolına şoğırlandırğan, basqaruşı toptarğa sözi ötimdi 5 azamattı wsınamız:

5.Li Kıçyañ (Li Keqiang) 

Foto: newsfirst.com

Prem'er Li Kıçañ - memlekettik jäne sayasi qayratker, Qıtay Halıq Respublikası Kommunistik Partiyası basşılarınıñ biri. 2013 jıldan beri Qıtay Ükimetiniñ basşısı - Prem'er-ministr bolıp tağayındaldı. Qıtaydıñ işki sayasatın tügel qadağalap, ekonomikalıq reformalarğa basşılıq jasap otır. Degenmen Londondağı King's College oqu ornınıñ Qıtay sayasatı boyınşa professorı Kerri Braun Prem'er biliginiñ küşine senbeydi: "Onıñ Qıtaydağı biligin sayasi deuge qarağanda, äkimşilik basqaru dep sipattau dwrıs siyaqtı. Bwrınğı Prezident twsında Li Kiçañnıñ "Jastarğa" ligası tanımal bolsa, qazir ol öziniñ äleuetin joğaltıp jatır".

4. Ma Huatıñ (Ma Huateng)

Foto: forbes.com

Facebook ne Twitter äleumettik jelileri joq Qıtayda WeChat  qosımşası erekşe tanımaldılıqqa ie. Forbes basılımınıñ reytingi boyınşa Qıtaydağı eñ bay adamdardıñ tiziminde üşinşi orında twrğan Ma Huatıñ - WeChat äleumettik jelisiniñ negizin qalauşı. Ol öz käsibin 1998 jıldarı Tencent kompaniyasın qwrudan bastağan. Qazir WeChat jelisiniñ qoldanuşıları - 1 mln asıp-jığıladı. Şeteldik internet önimderin qatañ şekteytin Qıtay jaña tehnologiyalar narığında bäsekege qabiletti bolu üşin bar küşin salıp jatır. Bwl twsta qıtaylıq "Mark Cukerberg" sanalatın Ma Huatıñnıñ mümkindigi zor.

3. Uañ Çişan (Wang Qishan)

Foto: blogs.com

Qıtaydıñ qazirgi Prezidenti Şi Jiñ Piñ bilikke kelgen 2012 jılı eldegi jemqorlıqtı joyu turalı maqsatın jariya etti. Ol öziniñ paraqorlardıñ soñına salatın "añşısı" esebinde Beyjiñniñ bwrınğı meri, 2008 jılğı Olimpiada oyındarınıñ wyımdastıruşısı Uañ Kişandı tañdadı. Sondıqtan qazir qıtaylıq barlıq şeneunikter atalğan twlğadan qorqadı. Ol birqatar belgili qayratkerler men memlekettik qızmetkerlerdi abaqtığa japqızğan. Qıtayda beyresmi türde Prezidentten keyingi ekinşi mañızdı lauazımdı twlğa sanalatın onıñ bolaşaqta biliktiñ twğırındağı talasqa qatısuı ekitalay. Öytkeni osı jılı 69 jasqa tolatın Uañ Çişan özinen jas azamattarmen wzaq arpalısa almaytını belgili.

2. Djek Ma (Ma Iun, Jack Ma)

Foto: Bloomberg.org

Djek Ma - Alibaba Group kompaniyasınıñ negizin qalauşı, qıtaylıq käsipker. El işinde qoğamdıq talqılaudan tüspeytin Djek Manı köpşilik älemdik keñistikte Şi Jiñ Piñmen qatar twratın "Qıtaydıñ bet-beynesi" köredi. 2017 jılğı qırküyek ayınıñ qorıtındısı boyınşa onlayn narıqtıñ beldi oyınşısı Qıtaydağı eñ bay adam bolıp tirkelgen. Ol AQŞ-tıñ soñğı eki Prezidentimen de (Barak Obama, Donal'd Tramp) jeke kezdesken adam.

1. Şi Jin Piñ (Xi Jinping)

Foto: cnn.com

Qıtaydıñ qazirgi Prezidenti Şi Jin Piñ eldegi eñ mañızdı twlğalardıñ köşin bastap twr. Sayasattanuşılar Kommunistik Partiyanıñ Bas hatşısın 1970-1990 jıldarı Qıtaydı basqarğan, älemge belgili azamat Dıñ Şiyaupinnen keyingi ekinşi bedeli zor bileuşi dep bağalaydı.

“The Qazaq Times”