Türkiyadağı Süriya balaları. Foto: Worldbulletin.

Türkiya Bilim beru ministrligi Europa Odağınıñ qarjılandıruımen «Türkiyadağı süriyalıq balalardı eldiñ bilim beru jüyesine beyimdeu» bağdarlamasın qolğa alğanın mälimdedi. Bwl turalı «Türik Tele-Radio» qızmeti habarladı.

Türkiyadağı BAQ-tıñ mälimetine qarağanda türik jwrtında 1 millionnan astam süriyalıq bala panalap otır. Qazir Türkiya ükimeti Bilim beru ministrligine osıdan bwrın bergen mindet boyınşa osı balalardı Türkiyanıñ oqıtu jüyesine beyimdey otırıp, bilim beru bağdarlamasın bastadı. Bwl bağdarlamağa Euroodaq qarjılay qoldau bildirip otır.

Habarda EO-nıñ Türkiyadağı delegaciyasınıñ törağası Kristian Berger: «Türkiya jerinde Süriyadan pana swray kelgen millionnan astam balanı osı eldiñ Bilim beru ministrligi qaramağına alıp otır. Bwl ärine özge elderge ülgi bolatın is. Sonımen birge bwl türikterdiñ bauırmaldığın körsetedi», – dedi.

Joğarıda atalğan jobanıñ qwnı 650 mln euro twradı. Bwl qarjı arqılı Türkiyanıñ Süriya balaları köbirek twratın 23 qalasında bilim beru isi jüzege asqalı otır.

“The Qazaq Times”