Foto ğalamtor betterinen alındı.

Resey Prezidenti Vladimir Putinniñ tuğan küninde osı aptada 20 künge abaqtığa jabılğan oppoziciya basşısı Aleksey Naval'nıydıñ qoldauşıları qarsılıq şeruine şıqtı. Mäskeude mıñğa juıq, Putinniñ tuğan qalası Sankt-Peterburgte 3 mıñ  şamasında şeru qatısuşıları köşege şığıp, narazılıq bildirdi. Qarsılıq akciyası Reseydiñ özge qalalarında da bolğan. Bwl turalı APF aqparattıq agenttigi jazdı. 

Oppoziciya basşısı Aleksey Naval'nıy naurız jäne mausım aylarında jemqorlıqqa qarsı jalpıhalıqtıq şeruler wyımdastırıp, oğan 10 mıñğa juıq azamat qatısqan bolatın. Ol kezde mıñdağan reseylik policiya qızmetkerleriniñ qolına tüsken edi. Bwl jolı memleket basşısınıñ tuğan küniniñ şırqın bwzuğa jol bermeu maqsatında 124 adam qwqıq qorğau qızmetkerleriniñ qwrığına ilindi.

Mäskeu köşelerine jinalğan köpşilik "Tuğan küniñmen, Putin!", "Putinsiz Reseydi qoldaymız" degen wrandarımen este qaldı. Mwnda kelgenderdiñ barlığı birdey kelesi jılı Prezidenttik saylauğa tüsuge ümitker Aleksey Naval'nıydıñ jaqtastarı deuge kelmeydi. Öytkeni APF aqparattıq agenttigi tilşilerimen swhbattasqan birqatar reseylikter mwnda "jüyeni özgertu, jemqorlıqtıñ joyıluın talap etu üşin kelgenderin" aytqan. Mäselen, Sankt-Peterburgtegi şeru qatısuşılarınıñ qatarınan tabılğan  20 jastağı Igor' Klimov: "Men esimdi bilgeli memleketti Putin basqarıp keledi. Bizdiñ eldiñ barlıq salasın jemqorlıq jaylağan" dese, Svetlana Kiseleva: "Men Aleksey Naval'nıydıñ adal qoldauşılarınan emespin. Mwnda memleket işindegi sayasi bäseke boluın talap etuge keldim" degen pikir bildirgen. Elde oppoziciya jäne bir ğana bilikten özge de tañdaular bolğanın qalaytın Orest Çerçesov ta Aleksey Naval'nıydıñ janküyeri emestigin alğa tartadı.

Reseydi 1999 jıldan beri basqarıp kele jatqan Vladimir Putin biıl 65 jasqa keldi. Şeru qatısuşıları zeynet jasındağı Prezidenttiñ öz sayasi kar'erasın osı jerden toqtatqanın qalaydı. Juırda Vladimir Putin kelesi jılı naurız ayında bolatın Prezident saylauına qatısu turalı äli naqtı şeşim şığarmağanın habarlağan edi. Biraq sarapşılar belgili sayasatker tağı da 6 jıldıq merzimge memleket tizginin wstauğa bel baylasa, onıñ saylauda sözsiz jeñip şığatının aytadı.

Aleksey Naval'nıy jemqorlıqqa qarsı küres kampaniyalarınıñ beldi müşesi, joğarı bilimdi zañger. Ol Reseydiñ qazirgi biliginiñ qatelikteri men ekonomikalıq, äleumettik mäselelerdi qozğaytın birneşe kölemdi qarsılıq şaraların wyımdastırğanı üşin, qoğamdıq jiındardı wyımdastıru boyınşa zañ talaptarın bwzğanı üşin degen ayıppen 20 künge bas bostandığınan ayırılğan.

“The Qazaq Times”