WR Wlttıq ekonomika ministri Timur Süleymenov. Foto: Kazinform

Osı jıldıñ qorıtındısı boyınşa Qazaqstanda inflyaciya deñgeyi josparlanğan körsetkişten aspaydı jäne şamamen 6,9-7,5%-dı qwraydı. QR Wlttıq ekonomika ministri Timur Süleymenov bügin Ükimet otırısında osılay mälimdedi. 

"Bizdiñ boljamımız boyınşa inflyaciya dälizi 2017 jılı 6,9-7,5% deñgeyinde boladı", - dedi Süleymenov.

Onıñ sözinşe, osı jıldıñ basınan beri inflyaciyalıq procester biraz bäseñdegen. Qırküyek ayındağı inflyaciya körsetkişi 0,3%, jıl basınan beri 4,2%-dı qwrağan.

Sonday-aq, ministrdiñ mälimetinşe, osı jıldıñ 4-şi toqsanında, yağni merekelik künder esebi boyınşa jäne jemister men kökönister, auılşaruaşılıq önimderi bağasınıñ ösuinen inflyaciya deñgeyi joğarılaydı.

"Azıq-tülik bağaları joğarılaydı, qazan ayında 0,7-0,9%, qaraşada  1-1,1%, jeltoqsanda – 0,9-0,11% boladı", - dedi ministr.

Onıñ aytuınşa, Pavlodar mwnay öñdeu zauıtındağı qayta jöndeu jwmıstarına baylanıstı benzin bağası qımbattap jäne ol basqa da tauarlar men qızmetter qwnınıñ wlğayuına äser etui mümkin.

“The Qazaq Times”