Ündistan ükimeti aştıqqa qarsı bağdarlama qabıldadı. Foto: Times of India.

Ündistan ükimeti 16 qazan küni (Azıq-tülik önimderi küni) «Nöldik aştıq» dep atalatın bağdarlamanı iske qosadı. «The Times Of India» (Indiya tayms) basılımınıñ habarlauınşa, bwl - Ündistan bolaşağınıñ eñ bastı problemalarınıñ birine aynalğan aşarşılıq pen ömir sürudiñ qiındau mäselesine qaratılğan ükimettik bağdarlama. Oğan qosa, Ündistan qol qoyğan BWW kelisimi – «Twraqtı Damu Maqsattarı» qaulısınıñ talabın orındau üşin jasalğan şara. Bwl turalı «Şinlañ» aqparattıq saytı habarlağan edi.

Atalğan josparda soltüstik Uttar-Pradeştegi Gorahpur, Oregondağı Grabud jäne Maharaştradağı Tana aymaqtarı birinşi kezekte qarastırıladı. Ündistan ükimeti agrarlıq sektorğa barınşa küş beruge tırıspaq. Ündistandı jaylağalı twrğan aştıq pen naşar tamaqtanu mäselelerin şeşu üşin, tiisti auıl şaruaşılığı model'derin damıtudı jäne kögaldandıru ädisterin engizudi josparğa aldı. Eldegi jolğa qoyılğan «Twraqtı damu maqsattarı» strategiyalıq josparın 2030 jılğa deyin orındalıp bolu üşin, eñ bastısı elde aşarşılıq bolmas üşin, ükimet bağdarlamanı köp salalarda iske asırmaq.

Bağdarlamanı qarjılandıratın jäne ğılımi-zertteuge qoldau körsetetin wyımdar retinde Ündistan auılşaruaşılıq zertteuler keñesin, Ündi medicinalıq zertteuler keñesin, M.S. Suaminatan auılşaruaşılıq zertteu qorı jäne Biotehnologiya salasın zertteuge järdemdesu jönindegi komitetin (BIRAC) atauğa boladı. Sonday-aq, tamaqtanu boyınşa keñes beru ortalıqtarı, «nöldik aştıq» trening bağdarlamasın bastauğa kömektesetin, agroönerkäsiptik jüyelerdi wyımdastıru siyaqtı tiisti memlekettik organdar da tartılatın boladı.

Ündistan Ükimeti elde tamaqtanu problemasın şeşudiñ basqa josparların dayındadı. Onda mäseleni 2020 jılğa deyin şeşuge bağıttalğan josparlar bar. 2015 jılı Ündistan jäne özge elder BWW bekitken «Twraqtı damu maqsattarı» bağdarlamasın qabıldadı. Bwl nwsqaulıq boyınşa, Ündistan ükimeti azıq-tülik öndirisiniñ twraqtı jüyesin qamtamasız etui tiis, sonımen birge elde ikemdi agrarlıq model'di engizui kerek bolğan.

“The Qazaq Times”