AQŞ Barlau agentteri Kasperskiy önimderin tıñşılıqpen aynalısadı dep ayıptadı. Foto: Russia Now.

AQŞ işki qauipsizdik departamenti  federaldı organdarğa ükimettik komp'yuterlerde ornatılğan reseylik «Kasperskiy Zerthanası» jelilik qauipsizdik kompaniyasınıñ önimderin tauıp, onı alıp tastaudı bwyırdı. Olardıñ aytuınşa, Reseylik barlau agenttigi «Kaspersky Software»-di paydalanıp, Qwrama Ştattıñ qauipsizdik jüyesine şabuıl jasauı mümkin. Bwl turalı «The Wall Street Journal» öziniñ resmi saytında jazdı.

Bwl AQŞ barlau wyımdarınıñ «Resey 2016 jılğı prezident saylau isine kedergi keltirdi» degen ayıptaularınıñ jaña bir mazmwnı deuge boladı. AQŞ barlau agenttikteriniñ qarauınşa,  Resey jaq komp'yuterlik jüyelerge şabuıl jasau arqılı Demokratiyalıq Wlttıq Komitetten (Democratic National Committee) aqparat jäne basqa qwraldardı wrlağan. Sol arqılı Donal'd Tramptıñ dauıs beru isine aralasıp, onıñ saylaudağı basımdığına äser etken dep sanaydı.

Wlttıq qauipsizdikti qamtamasız etu departamentiniñ bwl şeşimi Kasperskiydiñ önimderine auır soqqı bolmaq. Şın mäninde Reseydiñ halıqaralıq komp'yuter önimderi biznesine şığa alğan käsiporındarı öte az. Kasperskiy bolsa osı azdağan käsiporındardıñ bireui. Bir kezderi bwl kompaniya ükimettik kelisimşarttardı jeñip alıp, önerkäsiptik baqılau jüyelerine qauipsizdik önimderin satumen AQŞ narığındağı öz ülesin keñeytken bolatın.

“The Qazaq Times”