Astanada «Oñtüstik» industrialdı aymaqtardıñ basqaruşı kompaniyası men türkiyalıq biznesmender arasında qwnı 12 mln AQŞ dolların qwraytın investiciyalıq eki qwjatqa qol qoyıldı. Bwl turalı Oñtüstik Qazaqstan oblısı äkimdiginiñ baspasöz qızmeti habarladı. 

Mwnday kelisimge türik biznes–qwrılımdarınıñ jetekşileri bastağan delegaciyanıñ Astana qalasına jasağan jwmıs saparı kezinde qol qoyılğan.

Qazaq-türik industrialdı aymağında osı jılı iske asırılatın jobanıñ biri - qorğasın koncentratın öndiretin türkiyalıq Merkez Asia Madencilik kompaniyasınıñ zauıtı (qwnı 2 mln AQŞ dolları) bolsa, ekinşisi -  qwnı 10 mln AQŞ dolları bolatın Petronet Otomosyon kompaniyasınıñ janar-jağarmay taratu kolonkaların şığaratın zauıtı.

Büginde aumağı 50 gektardı alıp jatqan «Qazaq-türik» industrialdı aymağında jalpı qwnı 37,5 mln AQŞ dolların qwraytın 8 joba jüzege asırıluda. Atalğan jobalar iske qosılğanda jaña 900 jwmıs ornı qwrıladı dep josparlanuda.

Ayta keteyik, jıl soñına deyin atalğan industialdı aymaqta «Gold Aluminum» JŞS-niñ PVH profil'deri men PVH jäne alyuminiyden jasalğan möldir konstrukciyalardı öndiretin şağın cehı iske qosıladı.

“The Qazaq Times”