Foto: Reuters

Karib teñizi araldarına şığın äkelgen "Irma" dauılı Kubağa jetti. Qauipti besinşi deñgeydegi dauıl Kubanıñ soltüstik-şığıs jağalauındağı Kamaguey arhipelagında tirkeldi. Bwl turalı VVS aqparttıq agenttigi jazdı. 

Irmanıñ auır zardabın tartqan öñirlerdiñ biri qazirşe Bagam araldarı bolıp otır. Conımen qatar AQŞ-tıñ Florida ştatında 20 adam tabiğat qwbılısınıñ qwrbanı bolıp, 5,6 mln adamğa dauıl qaupi eskertildi.

Senbi küni tañğı 03:00 şamasında jağalaudağı balıq şaruaşılığına mamandanğan qalalardıñ birinde bastalğan dauıldıñ "ortalığı" 190 km qwrap, jeldiñ küşi 257 km/sağ jetken. Jergilikti halıqtıñ basım köpşiligi elektr jarığınsız qalıp, baylanıs qiındadı.

Kubanı demalıs aymağı retinde ereşke bağalaytın 50 mıñğa juıq turist dauıl qaterinen saqtanıp, elden ketip qalğan. Qazir jağalaular bos twr.

“The Qazaq Times”