Foto: kazatomprom.kz

«Qazatomönerkäsip» Wlttıq atom kompaniyası» AQ «Kaustik» AQ-dağı 40% akciyalar paketin satudı josparlap otır. Bwl turalı kompaniyanıñ baspasöz qızmeti habarladı. 

Konkurs qwjattarı men eki kezeñdik aşıq konkurstıñ habarlaması «Qazatomönerkäsip» WAK» AQ-nıñ veb-portalında ornalastırılğan. 40% akciyalar paketi üşin swralatın bastapqı bağa 7 mlrd 440 mln teñgeni qwraydı.

Konkurs «Samwrıq-Qazına» AQ Direktorlar keñesiniñ şeşimimen bekitilgen aktivterin satu jäne qayta qwrılımdaudıñ birıñğay Erejeleri men «Qazatomönerkäsip» WAK» AQ aktivterin satu jönindegi Komissiya bekitken konkurstıq qwjattamalarğa säykes jürgiziledi.

Aşıq eki kezeñdik konkursqa ötinimder qabıldau 2017 jılğı 25 qırküyek küni Astana uaqıtımen sağat 15.00-de ayaqtaladı.

«Kaustik» AQ – qoldanıstağı barlıq qazaqstandıq jäne halıqaralıq sapa standarttarına säykes keletin zamanaui himiya öndirisi. Käsiporın kaustikalıq soda (30 mıñ t/j), swyıq hlor (26 mıñ t/j), twz qışqılın (45 mıñ t/j), sonday-aq natriydıñ tehnikalıq gipohloritın (6,6 mıñ t/j) şığaradı.

Qazatomönerkäsiptiñ mälimetinşe, enşiles jäne täueldi käsiporındardı satu Biznesti transformaciyalau bağdarlaması ayasında beyindi emes aktivterden arılu jäne kompaniya qızmetin tikeley atom salasına bağıttau maqsatında jüzege asırılıp jatğan körinedi.

“The Qazaq Times”