Foto: AR

AQŞ-tıñ Tehas ştatında bolıp jatqan Harvi dauılınan zardap şekken qazaqstandıqtar joq. Bwl turalı QR Sırtqı ister ministrliginiñ baspasöz hatşısı Änuar Jaynaqov mälimdedi.

"Tehas ştatındağı Harvi dauılına baylanıstı AQŞ-tağı qazaqstandıq diplomattar osı aymaqta twratın qazaq diasporasınıñ belsendilerimen tığız baylanıs ornatıp otır. Qazirgi kezde birneşe jüz qazaqstandıq tötenşe jağdayda boluı mümkin", - dep jazdı ol feysbuk paraqşasında.

Onıñ sözinşe, Uaşingtondağı Qazaqstan konsuldığınıñ baylanıs telefonı boyınşa aqparattar taratılğan. Qazirgi uaqıtta zardap şekkender arasında qazaqstandıqtar turalı aqparat tirkelmegen.

Ayta keteyik, AQŞ-tıñ Tehas ştatında bastalğan Harvi dauılı qauipti 4-deñgeyge jetip, nöser jañbır men ekpini qattı jeldiñ äserinen ağaştar qwlap, jergilikti halıq jarıqsız qaldı.  Aua-rayı boljamına jauaptı mamandar "dauıl däl osı ekpinmen tağı bir aptağa ne bir ayğa wlassa, Tehas ştatı adam mekendeuge jaramsız aymaqqa aynaluı mümkin" dep habarladı.

“The Qazaq Times”