فوتو: ار

اقش-تىڭ تەحاس شتاتىندا بولىپ جاتقان حارۆي داۋىلىنان زارداپ شەككەن قازاقستاندىقتار جوق. بۇل تۋرالى قر سىرتقى ىستەر مينيسترلىگىنىڭ ءباسپاسوز حاتشىسى ءانۋار جايناقوۆ مالىمدەدى.

"تەحاس شتاتىنداعى حارۆي داۋىلىنا بايلانىستى اقش-تاعى قازاقستاندىق ديپلوماتتار وسى ايماقتا تۇراتىن قازاق دياسپوراسىنىڭ بەلسەندىلەرىمەن تىعىز بايلانىس ورناتىپ وتىر. قازىرگى كەزدە بىرنەشە ءجۇز قازاقستاندىق توتەنشە جاعدايدا بولۋى مۇمكىن", - دەپ جازدى ول فەيسبۋك پاراقشاسىندا.

ونىڭ سوزىنشە، ۋاشينگتونداعى قازاقستان كونسۋلدىعىنىڭ بايلانىس تەلەفونى بويىنشا اقپاراتتار تاراتىلعان. قازىرگى ۋاقىتتا زارداپ شەككەندەر اراسىندا قازاقستاندىقتار تۋرالى اقپارات تىركەلمەگەن.

ايتا كەتەيىك، اقش-تىڭ تەحاس شتاتىندا باستالعان حارۆي داۋىلى قاۋىپتى 4-دەڭگەيگە جەتىپ، نوسەر جاڭبىر مەن ەكپىنى قاتتى جەلدىڭ اسەرىنەن اعاشتار قۇلاپ، جەرگىلىكتى حالىق جارىقسىز قالدى.  اۋا-رايى بولجامىنا جاۋاپتى ماماندار "داۋىل ءدال وسى ەكپىنمەن تاعى ءبىر اپتاعا نە ءبىر ايعا ۇلاسسا، تەحاس شتاتى ادام مەكەندەۋگە جارامسىز ايماققا اينالۋى مۇمكىن" دەپ حابارلادى.

“The Qazaq Times”